တကယ်တော့ မိုးနည်းတာမဟုတ်ပါဘူး ... မိုးကို မရွာတာ ... ခြောက်ခမ်းပြီး ကြွေကျကုန်တဲ့ စိတ်ဓါတ်တွေ ... တစ်ရွက်ပြီးတစ်ရွက် တစ်ရက်ပြီး တစ်ရက် ... ဒီနေရာ ဒီဒေသအတွက် ရင်းနှီးမြှုပ်နှံခဲ့ရတဲ့အရာတွေ ... ဘာတွေများ ပြန်ရခဲ့တာ ရှိလို့လဲ ... တစ်ခုပဲ သံယောဇာဉ်ဆိုတာရဲ့ တန်ဖိုးကို သိလာခဲ့တာရယ်၊ ဘဝ ဆိုတာကို အမျိုးစုံ မျက်ဝါးထင်ထင်မြင်ဖူး ကြုံဖူး ဆုံဖူး တာပါပဲ ... ဒါတွေကို ရဖို့ ပေးဆပ်လိုက်ရတဲ့ အင်အားတွေက ငွေ၊ အချိန်၊ ကိုယ့်ကိုကိုယ် ယုံကြည်မှု၊ နွေးထွေးတဲ့မေတ္တာရိပ်တွေ ... အထီးကျန်တယ် ဆိုတာ ဘာရယ်လို့ မတွေးဘဲကို နေ့တိုင်းလိုလို ဖြတ်သန်းလာခဲ့တာ ... တစ်ရက်စီ တစ်နာရီစီတိုင်းမှာ တဖြည်းဖြည်းချင်း သက်ရှိလူက သေဆုံးနေပြီးတော့ စက်ရုပ်လို အရာတစ်ခု အစားဝင်လာနေပါတယ် ... ဒီလိုနဲ့ပဲ လောကကြီးမှာ ကြင်နာတတ်တဲ့၊ ကိုယ်ချင်းစာတတ်တဲ့ နှလုံးသားတွေရှားပါးကုန်တယ်ထင်ရဲ့ ... ပါးပါးလှပ်လှပ်အပြုံးတွေအောက်က ထက်လှတဲ့ ဓါးသွားတွေ ကပ်ညှိတတ်ဆင်ထားတတ်လာကြတယ် ... ဒီလိုပဲ ရလိုမှုတစ်ခုအတွက် ပေးဆပ်ခဲ့လိုက် စတေးခဲ့လိုက်ပြီးမှ နောက်ဆုတ်ဖို့ခက်တဲ့ လမ်းကြောင်းပေါ်မှာ ခံစားချက်မပါဘဲ နေသားတကျဖြစ်ဖို့ ပြင်ဆင်ကြိုးစားလာနေကြရတယ် ... ပြောပြဖို့တောင်ခက်ခဲတဲ့ လောကဓံတွေကို အံကြိတ်ခံပြီး ဖျက်ဆီးခြွေချဖို့ တဖြည်းဖြည်းချင်း သင်ယူခဲ့ကြရတယ် ... တစ်ရက်ပြီးတစ်ရက် အပြုံးတွေက လှပထက်မြက်လာကြတယ် .. အကြည့်တွေက စူးရှလာကြတယ် ... လက်ဆွဲနှုတ်ဆက်တတ်လာကြတယ် ... မျက်ရည်တွေ အေးခဲကုန်ကြတယ် ... ရင်ထဲမှာ ဂလိုဏ်ပေါက်ကြီးတွေလို ဟာလာဟင်းလင်းနဲ့ ရှေ့ကိုဆက် >>>> .... တွေ့ရင်ပြုံးပြနှုတ်ဆက် ... ဟိုဘက်လှည့်လိုက်တော့ ပြန်သေသွားတဲ့ မျက်နှာတွေ ... လိုချင်တာတွေက ဒါတွေလား ... ပြန်ရတာနဲ့ ပေးလိုက်ရတာ တန်ရဲ့လား ဆိုတာ ပြန်မတွေးကြေး ... ကိုယ်စီ အသိ ကတိတွေနဲ့ ... ဘယ်သူမှ ဘယ်သူ့အတွက် ငိုပေးကြတယ်မရှိ ... ဖြစ်လာတဲ့ အရာအားလုံးက နေသားတကျအတိုင်း ... ရင်ဘတ်ချင်းပေါင်းဖက်ကြတယ်မရှိ ... ဒီလိုပဲ အဆင့်အတန်းချင်းပေါင်းဖက်ကြလေရဲ့ ... မျှော်လင့်ချက်ကို ထားကြတယ် ... ခံစားချက်တွေကို သတ်ပစ်ကြတယ် ... ဒီလိုနဲ့ ဒီလိုနဲ့ ဒီရပ်ဝန်းမှာ မေတ္တာတရားတွေ ခမ်းခြောက်၊ အငွေ့လည်းမပျံတော့ တစ်ယောက်ပေါ်တစ်ယောက်လည်း စေတနာမိုးတွေ မရွာနိုင်ကြ ၊ စာနာမှုအသိစိတ်တွေလည်း တဖြည်းဖြည်းကြွေကျ ... တကယ်တော့ မိုးနည်းတာမဟုတ်ပါဘူး ... လူသားဆန်တဲ့ စိတ်တွေ တဖြည်းဖြည်းခြောက်သွေ့ ကြွေကျလောက်အောင်ကို မိုးမရွာတာပါ ....
ကျွန်မ ဟင်းလင်းပြင်ထဲကို စီးမျောနေပါသလား ... မွမ်းကျပ်လွန်းတဲ့ အမည်းရောင်ကြားမှာ နစ်မြုပ်နေတာလား ... ဒါမှမဟုတ် စူးရှလွန်းတဲ့ အဖြူရောင်တွေလား ... ကိုယ့်ကိုကိုယ်တောင် ပြန်သုံးသပ်မရဘူးဖြစ်နေတယ် ... ကျွန်မမှာ မရှိတဲ့ ပိုက်ဆံတွေအတွက် ဝမ်းနည်းနေတာလား ... ခုနက မြင်ခဲ့ရတဲ့ လျှော်လဲသွားတဲ့ အဘွားကြီး အတွက် ခံစားရတာလား ... ဘာမှရေရေရာရာ မရှိ ... အဘွားကြီးလဲကျတာကို မတွေ့ခင်မှာတော့ ကျွန်မက လက်ထဲမှာနာရီပိုင်းလောက် ကိုင်တွယ်ခွင့်ရခဲ့တဲ့ လုပ်အားခတွေအတွက် တစ်ခုခု ခံစားနေခဲ့ရသလိုပဲ ... အဲဒီအကြောင်းကိုတွေးရင်းနဲ့ ကျွန်မလမ်းလျှောက်ပြန်လာခဲ့တာပါ ... ဒါပေမယ့် ကျွန်မအတွေးဘယ်မှာဆုံးမှန်းတောင် မသိလိုက်ပါဘူး ... ကျွန်မရှေ့မှာ အဘွားကြီးတစ်ယောက် ခြေချော်လဲကျသွားတယ် ... ခေါင်းနဲ့တိုင်နဲ့တောင် ဆောင့်မိသွားတယ် ... ကျွန်မ ခဏတာ ဆွံ့အသွားတယ် ... ပြီးမှ သွားထူပေးမိတယ် ... ဒါပေမယ့် ကျွန်မအားနဲ့ ထူမရဘူးဖြစ်နေတယ် ... လူတွေလာပြီး ကူထူပေးတယ် ... အဘွားကြီးက ကျွန်မကို စကားတစ်ခွန်းပြောတယ် ... ဘာပြောတာလဲ ကျွန်မ မသိဘူး ... ကျွန်မသိတာက ကျွန်မကော အဲလိုလဲကျမလား ... ပြီးရင် ကျွန်မလဲကျရင်ကော ဘယ်လို ဖြစ်မလဲ ... ငိုမိမလား ...လူတွေက လာထူပေးမလား ... ဘာပဲဖြစ်ဖြစ် မလဲကျတော့ မလဲကျချင်ဘူး ... တွေးရင်နဲ့ ရင်ထဲမှာ ဝမ်းနည်းသလိုပဲ ... ဒါတွေကို ကျွန်မတောက်လျှောက်ကြီး စဉ်းစားလာတာ ... ပြီးမှ တစ်ခါတွေးမိပြန်တယ် ငါဘာလို့ ဒါတွေကို တွေးနေရတာလဲ ... ဒါတွေက ကြိုတွေးနေစရာမှ မလိုတာ ... ငါဟာ သူများတွေပြောသလို စိတ်ကျရောဂါဖြစ်နေတာလား ... သြော် ဒါကိုတွေးမိရင်တော့ ငါဟာ စိတ်ကျရောဂါ ဖြစ်တာ မဟုတ်နိုင်ဘူး ... အဲသလိုလည်း ပြန်တွေးလိုက်မိသေးတယ် ... ပြီးတော့ မှ ခုငါရောက်နေတာ ဟင်းလင်းပြင်ကြီးလား ... ဒါမှမဟုတ် ပိန်းပိတ်အောင်မှောင်နေတဲ့ အခန်းကျဉ်းလား ... ငါဟာ အဆုံးအစမရှိတဲ့ နေရာကို သွားချင်လိုက်တာ ... အဲဒီနေရာကို ရောက်သွားရင် ဒါတွေထဲက လွတ်သွားမလား ... ဆရာတွေရှိတာပဲ ... အရှင်ဘုရားတွေ အားနာစရာကောင်းလိုက်တာ ... အဆုံးအစမရှိတာက ငြိမ်းချမ်းရာ လွတ်မြောက်ရာမဟုတ်ဘူးလေ ... အဆုံးရှိမှ အသစ်ပြန်မဖြစ်တော့မှ ငြိမ်းချမ်းမယ့် တရားတွေမလား ... ငါ တရားတွေနာဖူးသားပဲ ... တရားလည်း ထိုင်ခဲ့တာပဲ ... ဘာလို့ ခုလို ဆောက်တည်ရာ မရ ဖြစ်နေရတာလဲ ... ဘာကြောင့် ငါဒီလို ဖြစ်ဖို့ လိုလဲ ... ဒါတွေကိုပဲ တွေးပြီး ဒီလိုပဲ ပြန်သံသရာ လည်နေလိုက်တော့တယ် .... ဘာကြောင့်လဲ ဆိုတဲ့ အထဲက မထွက်နိုင်သေးတဲ့ ကျွန်မ ဘာကြောင့်လဲ ထဲမှာပဲ ပြန်တဝဲလည်လည် နဲ့ ....
Labels: ESSAY
