တမ်းတပုံရိပ်

မြို.တစ်လျှောက် ဇာကိုပင်လားလား
အမြင်ကနိန် ပျောက်ထွက်မလားရေ
ငယ်ပေါင်းဖော် သူငယ်ချင်း "ကစ္ဆပနဒီ" .......

တနီကုန်တနီခမ်း ရင့်ပြာသတ်နိန်ခယင့်
ဲခြီကုန်လက်ပန်းကျကေ အိပ်တန်းပြန်ဖို.
ခိုလှုံစရာ အသိုက်ရှိလီရေ ..........

ဘ၀မဟုတ်သိရေ အိုင်ချေထဲမှာ ....
ပြသ၁နာမဟုတ်သိရေ ဘေးထွက် အဖုအထစ်ချေတိအတွက်
အကြီးအကျယ် ခံစားမိကေ
နှစ်သိမ့်ပီးဖို. လက်တစ်စုံ ရှိလီရေ .........

ဟောင်ဖွါဟောင်ဖွါနန်. အာကျယ်ဗျာယ် လူတန်းစိနိန်နိုင်ဖို.
ဖြည့်ဆည်းပီးရေ အားကောင်းမောင်းသန်
လက်မောင်းကြီးလည်း ရှိလီယင့်လေ .........

ကြောက်လန်.တကြား ပဋိပခတိအတွက်
မားမားမတ်မတ် ကာကွယ်ပီးရေ
ရင်အုပ်ကားကြီးလည်း ရှိလီပြန်သိရေ ........

တစိချေလောက် အလိုမကျစော်တိအတွက်
ခေါင်းခါ လိုင်(လည်)ခါဗျာယ် အော်ငိုဖို.
အခွင့်အရေးတိလည်း ရှိလီရေယေ ..........

ယင်းပုံရိပ်တိနန်. တတူ .......
ပင်လယ်အော်သံ ၊ ရခိုင်စည်သံ ၊ ရခိုင်စကားသံ
အားလုံး အားလုံးကို တမ်းတမိရဗျာယ်ဝေ ............ ။


သင်းချို