ငါ့ဘဝ ကြယ်ကြွီည

           ချိုလေ အချေခါကပင် ကို့နာမေကို သိပြီးကေ အချေတစ်ယောက် အမုန်းမျိုးနန့် မုန်းနိန်ခမိစွာ။ အချေ အမုန်းဆိုရေအတိုင်း သိလေ့မသိ၊ မြင်လေ့ မမြင်ဖူးရေ လူတစ်ယောက်ကို အမုန်းစွာ မှုန်ဝါးလို့ လားခပြန်ရေ။ ၂၀၀၇ ခုနှစ် ချို ရန်ကုန်ကိုရောက်လာခါမှ ကို့ကိုမုန်းရဖို့ တစ်ခါ ထပ်ဖြစ်လာပြန်ယင့်။ ချို့ နားထဲကို အရောက်ဝင်လာရေ “ငါ့အစ်ကိုနန့် တန်ရေမမချေ မဟိသိမ့်” ဆိုရေ စကားတစ်ခွန်းစွာ ကို့ကို မမြင်ဖူးဘဲ ထပ်မုန်းတီးမိစီခရေ။ ယေကေလေ့ ကိုစွာ ဇာလောက် ကြီးကျယ်ရေလူလဲလို့ သိချင်ခသိမ့်ရေ။

           မှတ်မိပါသိရေ ကို။ ၂၀၀၈ ခုနှစ် မေလမှာ ကိုနန့် စတွိခရရေ။ ကို ပြန်ရောက်တေ နိန့်မှာမှ ချိုက ယင်းအိမ်ကို ရောက်နိန်မိခရေအတွက် ချို့ကိုချို အပြစ်တင်မိခသိမ့်ရေ။ ကိုကတော့ကေ တစ်ခုလေ့ မသိဘဲ ဖြူဖြူစင်စင်နန့် ချိုကို လာနှုတ်ဆက်ခသိမ့်ရေလေ။ ချိုကရာ တဖက်သတ်အမုန်းနန့် စကား တောင် ပြန်မပြောနိုင်ခ။ အခြားလူတိကိုရာ လားဖို့ဗျာယ်လို့ နှုတ်ဆက်ပနာ ပြန်ထွက်လာခရေ။ ကို အံ့သြလို့ ကျန်ခစွာကိုတော့ခါ ကိုပြန်ပြောမှ သိခစွာ။

            ရှောင်လို့မရရေ အသိုင်းဝိုင်းကြားထဲမှာ ကိုနန့် ယက်ပြတ်ပိုင် တွိလာရရေ။ ချိုဇာလောက်ပင် လစ်လျူရှုရှု ကိုက ချိုကို ဖေါ်ရွေခရေလေ။ ယင်းပိုင်နန့် တစစ အချိန်ကြာလာရေ အတိုင်းတာတစ်ခုမှာ ကိုစွာ မုန်းဖို့ မကောင်းစွာကို သိလာခရေ။ အများကြီးမဟုတ်ကေတောင် ခင်စပြုလာခရေ လေ။ ရှောင်လို့မရခကေလေ့ ကို့အသိုင်းဝိုင်းကြားထဲမှာ ချိုအယူအဆ၊ စရိုက် တိက Gypsy ဆန်နိန်ခစွာကို သိပါရေ။ လူမှုရေးအကြောင်း အပြောများလို့ ချိုကို နိုင်ငံရေးသမားလို့ ယူဆဖြစ်ခကတ်တေမနား။ ကိုလေ့သော့ ချို့ကို နိုင်ငံရေးသမားလို့ ထင်ခရေလို့ ပြောဖူးရေနန်း။ ဇာပင်ပြောပြော ယင်း အသိုင်းဝိုင်းထဲမှာလေ့ အဆင်ပြေအောင်တော့ ကြိုးစားနိန်ခပါရေ။ ကိုက လွဲကေ အားလုံးသူကို ကောင်းဖို့ ချို ကြိုးစားခပါရေ။ ကို သဘောကောင်းစွာ ကို သိကေလေ့ ချို့ကို ရင်းရင်းနှီးနှီးခေါ်ပြောစွာကို သိကေလေ့ ချိုနားထဲမှာ ဝင်နိန်ခရေ စကားတစ်ခွန်းက (လူတိုင်းကို ဖေါ်ရွေနိုင်ရေ ချိုအတွက်) ကို့ကိုဖေါ်ရွေဖို့ အဟန့်အတား ဖြစ်နိန်ရေ ။ ချို မာနကြီးခပါရေ ကို ။

           ကို့ အကြောင်းတိ၊ ချို အကြောင်းတိစွာ တစ်ယောက်နားထဲကို တစ်ယောက် အလိုလိုကြားပြီးသား၊ ဝင်ပြီးသားဖြစ်နိန်ရေအတွက် “ရခိုင်ဖြစ်ရစွာကို စိတ်နာချင်ရေ” ဆိုရေ ကို့ခံစားချက်ချေစွာ ချိုနားထဲက တဆင့် ရင်ဘတ်ကို ပုတ်ခတ်လားရေ။ ချို စိတ်မကောင်းဖြစ်လားမိခရေ။ ချိုက ရခိုင်ဖြစ်ရစွာကို မွီးရာပါ ဂုဏ်ဒြပ်တစ်ခုပိုင် တခုပ်တရ မြတ်နိုးတတ်တေ လူလေ။ အပြင်ပန်းရာ ကို့ကို မဖေါ်ရွေကေလေ့ သဘောကောင်းရေ၊ ရခိုင်အမျိုးကောင်းသားချေ ကို့ကို ရခိုင်ဖြစ်ရစွာကို ကျေနပ်စရာ တစ်ခုပိုင်၊ ဂုဏ်ယူစရာ တစ်ခုပိုင် မြင်တတ်၊ လက်ခံတတ်စီချင်ခရေ။ ချိုဆိုရေ မမကလေ့ သူငယ်ချင်းတိ ရည်းစားထားစွာတောင် ရခိုင်မှရခိုင်ဖြစ်ဖို့ထိ ဝင်စွက်ဖက်တတ် ရေ လူမျိုးလေ။ ရခိုင်ချင်းချင်း သူငယ်ချင်းတိကတောင် “ရခိုင်သမ” လို့ ရှိတင်မှာပင် ခေါ်ခကတ်တေ။ ယင်းပိုင် မမမျိုး နားထဲကို ကို့အကြောင်း ဝင်လာခါ ကို့ကို ရခိုင်လူမျိုးနန့် ပတ်သက်တေ Mail တစ်စောင် စပို့ခသိမ့်ရေ။ ပြီးကေ AMP (Arakanese Meeting Point) ထဲကို invite လုပ်ခရေ။ အကြောင်းတိုက်ဆိုင်လို့ Online တတူလားသုံးဖြစ်ကတ်ခါ AMP ထဲက ဖတ်လို့ကောင်းရေ၊ ဖတ်သင့်ရေ စာတိကို ကို့ကိုပြောပြခရရေလေ။ ချို့ Home Page ပုံစံအတိုင်း အစအဆုံး တတူလုပ်ခိုင်းလို့ တေးခင်းကအစ အားလုံးကို တစ်ထပ်တည်းတူအောင် ချို လုပ်ပီးခရသိမ့်ရေ မနား။ ရခိုင် အရီးအသား တိနန့်ရာ အများရီးတတ်ကတ်တေ AMP ထဲမှာ စာဖတ်ဖို့စွာ သူငယ်တန်း ကပင် ရန်ကုန်မှာ ကြီးပြင်းလာခရေ ကို့အတွက် အခက်ခဲဟိစွာကို သိရေလေ။ ယင်းတွက်နန့် ကို့ကို ရခိုင်အရီးအသား၊ ဝေါဟာရတိနန့် ကျင့်သားရအောင် အများကြီး လေ့ကျင့်ပီးခရရေမနား။ ချို ရည်ရွယ်ခစွာက ရခိုင် အမျိုးကောင်းသားချေတစ်ယောက် ရခိုင်ဖြစ်နိန်ရစွာကို ဂုဏ်ယူတတ်ဖို့၊ လိုလိုလားလား လက်ခံတတ်ဖို့ပါ။ ကိုရို့ မိသားစုပြဿနာကို ချို ယုံကြည်ရေ လမ်းကြောင်း ကနိန် ဝင်ဖြေရှင်းပီးဖို့ ကြိုးစားခစွာပါ။ ကို ချို့ကို စိတ်ဝင်စားစွာကို မသိခရိုး အမှန်ပါ။ အလိုလိုနိန်ယင်း ကို ဒေအင်္ကျီနန့် လိုက်လားလို့ လာမိန်းစွာ၊ ချိုစာလုပ်နိန်စွာကို လာပနာ စကားလာပြောစွာ၊ ချိုစာအုပ်ကြားက ဖေ့သာတိကို ယူထားစွာ၊ ချို Passport နံပါတ်ကို တောင်းစွာတိကို ကို မျက်နှာပြောင်ရေလို့ ထင်ခမိစွာ။ နောက်ခါမှ ကို့ကိုဂရုမစိုက် မော့မကြည့်လို့ ရှက်ကေလေ့ တမင်တကာ လာပြော၊ လာလုပ်ခစွာလို့ ကိုပြောလို့ သိခရရေ။

            ကိုစွာ ချို့အိမ်ကို ရောက်ရောက်လာတတ်ကေလေ့ အလုပ်နန့် ကျောင်း ဇယ်ဆက်နိန်ရေ ချိုနန့် တွိချိန်မရခမနား။ ချို ကောင်းကောင်း အလုပ်ရှုပ်နိန်ရေတစ်နိန့်မှာ ရုံးက Phone Operator လွှဲပီးလိုက်တေ ဖုန်းအောက်က ယောက်ျားအသံကို ပါပါလို့ ထင်ခမိရေ။ ကို မှန်းသိခါမှ ဇာကိစ္စပါလေမသိလို့ မိန်းကြည့်ခါ “ထမင်းစားဖို့ဗျာယ်ဖြစ်လို့ သတိရလို့ ဖုန်းဆက်လိုက်စွာ” လို့ အဆက်စပ်မဟိ ကို ပြောလိုက်တေစကား ချိုကို မှင်သက်လားစီခရေ။ ယကေလေ့ ချိုမှာ စဉ်းစားနိန်ချိန်မရ စာရင်းတစ်ခု အပြီးသတ်စစ်စရာ ဟိနိန်ရေ။ နောက်မှ ဖုန်းခေါ်လိုက်ပါမေ ဆိုပြီးကေ ချို ဖုန်းချလိုက်တေ။ ပြီးကေ ချို ခေါင်းထဲမှာ ကို့ကို လုံးဝမိန့်လားပြန်ရေ။ အဂုမှ ကို ပြန်ပြောပြစွာက “တဗျင်းသတိရလာလို့ ဖုန်းခေါ်မိပြီးကေ ဇာပြောရမှန်း မသိလို့ ပါးစပ်မှာဟိစွာ ထွက်ခရေ။ ရင်တိလေ့ တဗျင်းခုန်နိန်ရေ ဇာပြောရမှန်း မသိ” ဆိုဝါ။ ကိုစွာလေ ရယ်ရရေ …..

            ညစာဖက် ချို အိမ်ကိုရောက်ခါ တတူနိန်ရေ ဝမ်းကွဲညမချေက ပြောရေ။ ကို ရောက်လာခရေ လတ်။ သူကတောင် ပြောရေ ကို အိမ်ကိုလေ့ ကောင်းလာရေ သူနန့်တွိကေလေ့ ချိုကိုဗျာယ် မိန်းနိန်ရေ၊ ကြိုက်နိန်လို့ချင့် လတ်။ ချိုကရယ်ပနာ “နင်မသိပါဟေ၊ ငါ့ကို ရင်ဖွင့်စရာဟိလို့ ရှာနိန်စွာဟိဖို့” လို့ ပြောခသိမ့်ယင့်။ ကိုနန့် အများကြီး မရင်းနှီးချင်ရေ ချိုစွာ ကို အိမ်ကိုလာလို့ ချိုကိုရှာကေ အိမ်မှာ ဟိနိန်ခကေတောင် မဟိလို့ ပြန်ပြောခိုင်းခရေ။ ခေါင်းလောင်းဆွဲသံကို ချိုကိုယ်တိုင် ထကြည့်မိလို့ ရှောင်မရခါမှ ကို့ကို ဆင်းတွိခရေလေ။ အဝီးကြီးကို မလားချင်လို့ အိမ်မှာနိန်ရေ ပုံစံအတိုင်း ဆင်းလာပြီးနာ လမ်းထိပ်က ဆိုင်မှာရာ မုန့်လားစားခကတ်တေမနား။ ရင်ဖွင့်ဖို့လာရေလို့ ထင်ခရရေ ကိုက တစ်ခုလေ့မပြောဘဲ ချိုကဗျာယ် ပြောခရရေ။ ချို သူငယ်ချင်းတိရောက်လာလို့ ငါ့အစ်ကို ဆိုပြီးကေ မိတ်ဆက်ပီးခရသိမ့်ယင့်။ နောက်မှသိစွာက အစ်ကိုလို့ မိတ်ဆက်ပီးစွာကို မကြိုက်ဆိုဝါ ။ ယင်းနိန့်မှာပင် ကို့ပါးက Mail ဝင်နိန်ရေ ။ ယင်းအချိန်ထိ ကိုက သဘောကျနိန်မှန်း မသိခသိမ့်ပါကို။ ယကေလေ့ ချို မာနမှာ စွဲထင်နိန်ရေ စကားတစ်ခွန်းအတွက် ကို့ကို တမင်တကာရှောင်ဖြစ်ခစွာကို ခွင့်လွှတ်ပါ။

           အေပိုင်နန့် ချို စင်္ကာပူကို လာဖို့အချိန် ကို အိမ်ကိုရောက်လာသိမ့်ရေ။ ချိုက မေမေကိုရာ ထွက်ပြောဖို့ပြောလိုက်လို့ ကိုစွာ မေမေကို နှုတ်ဆက်ပြီး ကေ ပြန်ခရရေမနား။ ချို မလာခင်ညည့် ကို့ပါးက Mail ရောက်နိန်ရေ။ ကို ခံစားရရေလို့ ရီးထားခရေ Mail အတွက် ချို စာမပြန်ခ။ စင်္ကာပူကို ထွက်လာရေနိန့်မှာ လေဆိပ်ကိုရောက်မှ D-Form မပါလာရေ ချို ဇာလုပ်ရမှန်းမသိ ဖြစ်နိန်ခါ အားလုံးက ကို့ကို ဖုန်းခေါ်ဖြစ်ကတ်တေ။ မှတ်မှတ်ရရပါ ကို။ ချိုစိတ်ထဲမှာ ထူပူနိန်လို့ တစ်ခုကိုလေ့ ခံစားမသိခကေ လေ့ ကို့ဖုန်းနံပါတ်ချေ ရီးပီးဖို့ ချို့လက်ကိုကိုင်လို့ ချွေးသုတ်ပီးပနာ အားပီးရေသဘော လက်ကိုဖျစ်ညှစ်မှုချေအတွက် ကျေးဇူးတင်မိခရေကို။ ကိုကတော့ကေ အီးစက်ပနာ တုန်နိန်ရေ ချိုလက်ကို ကိုင်မိလို့ ကောင်းသနားခရေဆို။ စင်္ကာပူကိုရောက်မှ ကို့ကို ကျေးဇူးတင်ကြောင်း စာပြန်ခရေ။ လေဆိပ်ကို လိုက်လာရရေအချိန်မှာ ရင်တိခုန်ပနာ စိတ်လှုပ်ရှား နိန်ခရေလို့ ကို ပြောပြသိမ့်ရေလေ။ လိုက်ပို့ခွင့်မရလို့ စိတ်မကောင်းဆိုပနာ စာရီးပြီးမှ လိုက်ပို့ခရလို့ ပျော်လေ့ပျော်၊ ကြောင့်ကြလေ့ ကြောင့်ကြမိရေ ဆိုလို့ ကျေးဇူးပါ ကို။

           ချို ကို့ကို မိန့်လားပြန်ရေ။ ချို Stay တိုးလို့မရလို့ ရန်ကုန်ကို ပြန်လာခါ ကိုက စစ်တွေကိုရောက်နိန်ရေ။ ချိုက ကို့ဆွေမျိုးအိမ်မှာ နိန်ဖြစ်စွာ မနား။ ကို နန့် ချို စစ်တွေနန့် ရန်ကုန် ဖုန်း ၃ခါလောက် ပြောဖြစ်ခသိမ့်ရေ။ အထင်လွဲကတ်ဖို့ကြောက်လို့ တစ်ယောက်ကိုလေ့ ပြန်မပြောဖြစ်ခ။ ကို ရန်ကုန်ကို ရောက်လာခါမှ ကိုနန့် လေ့လာနိန်ကတ်တေ မမ တစ်ယောက် ပါလာရေ။ ကိုက သူ့ကို ဇာပိုင်မြင်လေလို့မိန်းခါ ချို အကြား၊ အမြင်၊ အသိအရ လက်မချေကို အောက်စိုက်ပြမိခရေ။ ခွင့်လွှတ်ပါ ကို။ ပြီးကေ ကိုရို့နှစ်ယောက် လက်မထပ်ဖြစ်လို့ သိလိုက်ရရေ။ ယင်းအချိန်ထိ ချို စိတ်ထဲမှာ တစ်ခုလေ့ မဟိခသိမ့်စွာ အမှန်ပါ။

          ချို နောက်တစ်ခေါက် လေဆိပ်ကိုအဆင်းမှာ ကို လိုက်ပို့ပီးရပြန်ရေ။ ချိုအတွက် ဝယ်လာရေ ကိတ်မုန့်အငယ့်ချေကို ချို မစားဖြစ်ဘဲ ကို့ကားမှာ ပြန်တင်ထားခလိုက်တေ။ တရားဝင်လိုက်ပို့ခွင့်ကို ရထားရေ ကိုနန့် ချို လေဆိပ်မှာ လုပ်စရာဟိစွာအားလုံးကို လုပ်ပနာ စိတ်အီးလက်အီး ထိုင် စကားပြောဖြစ်ကတ်သိမ့်ရေ။ ကိုက ချိုကို အသည်းယားလို့ ဆိုပနာ ထုပလိုက်ဖို့ လုပ်သိမ့်ရေလေ။ ပြီးကေ ကိုချစ်တေ မမချေက ကို့အကြောင်းကို အားလုံးနီးပါး သိရေလူလို့ ပြောလိုက်တေမနား။ ကို ချစ်တေကောင်မချေ အကြောင်းကို ပြောဖြစ်ကတ်ကေလေ့ ချို စဉ်းစားမရအောင် တုံးမိစွာတော့ ကေ အမှန်ပါ။ ကိုက ချိုကို စင်္ကာပူကို မလားဖို့ ပြောသိရေနန်း။ ချို ရယ်လို့ရာ ပြမိခရေ။

            ယင်းနောက်ပိုင်းမှာ ကို Online ကို နိန့်တိုင်းရောက်လာပြီးကေ ချိုကို လာအားပီး၊ အဖေါ်လုပ်ပီးတတ်တေမနား။ ချိုနန့် မတွိကေ ဇာကိုလားနိန်လေ ဆိုပနာ စာရီး၊ Voice mail တိပို့ထားခရေလေ။ ယင်းပိုင် နိန့်တိဆိုကေ ကို ချိုနန့် တွိအောင် ပြန်လာ၊ ချိုကို ဖုန်းလာခေါ်တတ်တေလေ။ ချိုကို ချစ်တေဆိုရေ စကားအတွက် အကြိမ်ကြိမ် ပြန်စဉ်းစားခိုင်းခပါရေ ကို ။ ဇာဖြစ်လို့လဲဆိုကေ တစ်ဦးတည်းသောသား ကို့ကို ဖူးဖူးမှုတ်ထားရေ အသိုင်းအဝိုင်းမှာ ချိုစွာ Gypsy တစ်ယောက်ပိုင် ဖြစ်နိန်လို့ပါ။ ယင်းအချိန်ထိ ချိုက ကို့ကို မချစ်ခသိမ့်လို့ပါ။ နိန့်တိုင်း အချိန်မှန် Online သုံးတတ်၊ ဖုန်းခေါ်တတ်တေ ကို အချိန်မှန် မရောက်လာခကေ မနိန်တတ် လောက်အောင် ဖြစ်လာခရေ။ ချိုအတွက် တေးခင်းတိ ဆိုပြခရေ။ ချို ဝမ်းနည်းနိန်ရကေ ချိုရယ်အောင် ဆိုပြီးကေ မျက်နှာပြောင်တိ လုပ်ပြ၊ စာဥတေးခင်းတိ ဆိုပြရေလေ။ အချိန်မရကေတောင် ညည့် ၁၁ နာရီ၊ ၁၂ နာရီ လောက်မှာ ဖုန်းလာခေါ်ပီးခရေ ကို့ကို ချို အကြီးအကျယ် တွယ်တာမိလား ရပါဗျာယ်။ ချို့သံယောဇာဉ်တိကို ကို ဆွဲထုတ်မိလားခဗျာယ်။ ချို အဖြေပီးရေနိန့်က အယောင်ယောင်အမှားမှား ဖြစ်နိန်ခရေ ကို့ကို ချို ရယ်လေ့ရယ်ချင်၊ သနားလေ့ သနားမိခရေ။

             ယင်းနိန့်ချေကို လတိုင်း အမှတ်တရ တစ်ခုစီ လုပ်လာခကတ် စွာလေ။ နောက်တစ်ရက်မှာပင် ကို့ကို “ကို” လို့ စခေါ်ခိုင်းခရေမနား။ မနွဲ့နှောင်းတတ်တေ ချို့ကို ကိုက “ကို” “ချို” ဆိုရေ နာမ်စားချေတိ သုံးတတ်အောင် သင်ပီး၊ လေ့ကျင့်ပီးခရရေလေ။ ယင်း နယ်ပယ်မှာ မကျွမ်းကျင်ရေ ချို့ကို ကိုက တဖြည်းဖြည်း သင်ပီးခရေ။ ကို့အတွက်နန့် ချို မမချေတစ်ယောက်နန့် တူလာခရေ။ ကျေးဇူးပါ ကို။ ကို့ကိုလေ့ ရခိုင်တေးခင်း ဆိုတတ်အောင်၊ ရခိုင်သားချေ ပီသအောင်၊ Volunteer လုပ်တတ်အောင် စိတ်ဝင်စားလာအောင် ချိုမှာ ကြိုးစားပြုပြင်ခရသိမ့်ယင့်။ တစ်ယောက်နန့် တစ်ယောက် မတွိဖြစ်ကေလေ့ ချိုရို့ နှစ်ယောက် ချစ်ခြင်းမေတ္တာတိကို ဘေးလူတိတောင် အားကျ၊ သဘောကျ ပီးခကတ်ပါယင့် ကို။

            ချို့ကို ကိုက ပြောဖူးရေလေ အချေခါကပင် မုန်းခလို့ ပြန်ချစ်ပနာ ပီးဆပ်ရစွာလို့။ ချို့ကို အဝီးမှာ စိတ်မချလို့ဆိုပြီးကေ ကိုစွာ ချိုချစ်သူ ဖြစ်ကြောင်းကို ချိုအသိုင်းဝိုင်းထဲမှာ ဟန့်နိန်ရေကြားထဲက ဖွင့်ပြောလိုက်တေ မနား။ ရန်ကုန်မှာ ချိုသူငယ်ချင်းနန့်တောင် ကိုက အပေါင်းအသင်းဖြစ်လို့။ ချိုရို့ တစ်ယောက်နန့် တစ်ယောက် အခက်အခဲတိကို ကိုယ်တိုင် အခက်အခဲတိပိုင်(ဝီးနိန်ကေလေ့) ဝင်ဖြေရှင်းခကတ်တေနန်း။ ကြည်နူးစရာပါ ကို။ လက်ထပ်ဖို့ရက်ကို သတ်မှတ် ကတိတောင်းခသိမ့်ရေ မနား။ မိဘလေးယောက်စလုံးကို ကိုယ့်မိဘတိပိုင် သဘောထားပနာ တစ်ဘဝလုံးစာ တိုင်ပင်ဖြစ်ကတ်စွာတိ အများကြီးလေ။ နံပါတ် ၁ နေရာမှာ အလေးထား ချစ်ရစွာ မိဘတိရာ ဖြစ်ရဖို့လို့ ကို့ကို ချို ပြောဖူးပါရေ။ အေလောက် ခေတ်ကြီးထဲမှာ မိဘကို တန်ဖိုးထားတတ်တေ ကို့အတွက် ချို ဂုဏ်ယူမိရေ။ “ကိုယ့်မိဘကို အမှန်တန်ဖိုးထား လေးစားတတ်တေလူစွာ အခြားလူ မိဘတိကိုလေ့ တန်ဖိုးထား လေးစားတတ်တေ၊ ကိုယ့်သား သမီးကို အမှန်တန်ဖိုးထား ချစ်တတ်တေ မိဘတိုင်းရေ အခြားလူ သားသမီးကိုလေ့ တန်ဖိုးထားချစ်တတ်တေ” လို့ နှစ်ယောက်လုံး စိတ်တူကိုယ်တူ လက်ခံခကတ် တေလေ။ ချိုရို့စိတ်ကူးယဉ်တိုင်း မိဘတိနန့်တတူ ပျော်ပျော်ပါးပါး စိတ်ကူးဖြစ်ခကတ်တေ။ ကြားယောင်မိပါသိမ့်ရေ ကို “Cho! You are my essential.” လို့ လာပြောတတ်တေ ကို့အသံချေ၊ “Cho, I wanna create your life. I wanna create our warm family.” လို့ ကို ပြောတတ်တိုင်း ချိုကြည်နူးခရပါရေ ။ ချိုရို့ ရီးဆွဲထားရေ ဘဝကောက်ကြောင်းမှာ မိဘဆိုရေ “လမင်းကြီး” နန့်၊ တစ်ယောက်ကို တစ်ယောက် မြတ်နိုးတန်ဖိုးထားရေ ချစ်ခြင်း “ကြယ်စင်ချေတိ” နန့် အီးချမ်းရေ ပျော်စရာပါ ။ ချိုရို့ ချစ်ခြင်းတိစွာ အထိအတွိမပါ ရှင်းသန့်ရေ ချစ်ခြင်းမျိုးနန့် တစ်ယောက်ကို တစ်ယောက် နက်နက်ရှိုင်းရှိုင်း တွယ်တာမိခကတ်ပါယင့်။

            ကို မှတ်မိသိမ့်လား။ ချို့ကို အိမ်က အစ်ကိုတစ်ယောက်နန့် ကမ်းလှမ်းလာကတ်ခါ ကိုလေ အသံချေတိ ငယ်ပနာ ချိုကို လာပြောရေ။ ကို ဝမ်းနည်းနိန်ခရေလေ။ အိမ်ကတောင် ချိုကို မပြောရသိမ့်။ ယင်းသတင်းကို ကိုက အယင်ဆုံး ယူလာခရေ။ ချိုက ကို့ကိုရာ လက်ထပ်ဖို့စွာပါလို့ ပြောခရေ မနား။ ပြီးကေ အိမ်ကို “ချိုမှာ ရည်ရွယ်ထားရေလူ ဟိပါရေ” လို့ ပြောလိုက်တေလေ။ ယင်းနိန့်ကပင် ကို့နားထဲကို အေပိုင်စကားလုံးချေတိ နောက်ထပ် ဝင်မလာနိုင်အောင်ထိ ချို အိမ်ကို ညှိပီးခရေ။ ယင်းအတွက် ကိုက “ကျေးဇူးတင်ပါရေ ချို၊ ကိုလေ့ အားလုံးထက်မညံ့အောင် ကြိုးစားပါမယ်” လို့ ပြောခရေနန်း။

            ကို့ကို Eng စာလေ့လာဖို့ တိုက်တွန်းယင်း ကို့ကျောင်းက ပီးလိုက်တေ အိမ်စာတိကို Online ထက်မှာ နှစ်ယောက်တတူ လုပ်ခကတ် သိမ့်ရေလေ။ ကို့အကျင့်ဆိုးချေ အစား “အဆိုး” လို့ ထွက်တတ်လာအောင် လေ့ကျင့်ပီးခရသိမ့်ယင့်။ အဓိဌာန်တတူ ဝင်ကတ်တေ။ ရခိုင်ဖြစ်ရစွာကို ဂုဏ်ယူဖို့တတ်လာရေ ကိုစွာ ရခိုင်တေးခင်းတိကိုလေ့ နှိုက်နှိုက်ခြိုက်ခြိုက် ဆိုတတ်လာရေ။ ချို အလှူလုပ်ဖြစ်တိုင်းလည်း “ချို ဇာပင်လှူလှူ ၅၀% စွာ ကို့အလှူ” လို့ ပြောတတ်၊ အဝီခွဲတတ်လာရေ။ “ချို့အတွက်နန့် ကိုအများကြီး ပြောင်းလဲလားဗျာယ်” လို့ ကိုယ့်စွာကိုယ် ပြောတတ်တေ။ စာအုပ်ဖတ်ဖို့ ပျင်းရေ ကိုက ချို ဖတ်ဖို့ စာအုပ်တိ ရှာပီး၊ ပို့ပီးရေ။ ချိုကလေ့ ကို့ကို စာဖတ်ဖို့အကျင့် လုပ်ပီးခရေ။ အခြားလူတိပါးကပီးရေ အရုပ်တိုင်းကို အချေတိကို ပြန်ပီးပလိုက်တတ်တေ ချိုစွာ ကိုထည့်ပီးလိုက်တေ Teddy ချေကို ကိုပြောရေအတိုင်း ခေါင်းအုံးနားချေမှာ ထားအိပ်တတ်လာရေ။ အပြင်ထွက်တိုင်း ကိုပီးရေ နားဆွဲချေတိကို ဝတ်ထားခပါရေ ကို။ ကို့အလုပ်အတွက် လိုအပ်တေ Software တိကို ရှာပြီးကေ အဆင်သင့် လုပ်ပီးထားခရေ။ ကို တစ်နိုင်ငံကိုရောက်ကေ ယင်းချင့်ကို Install လုပ်လိုက်ရုံ အဆင်သင့် ဖြစ်အောင်လုပ်ထားပီးခရေ။ အေပိုင်လုပ်နိန်ရစွာပင် ချိုအတွက် ပျော်စရာ၊ ကျေနပ်စရာပါ ။ ကို့လိုအပ်ချက်အားလုံးကို အဆင်ပြေဖို့ လုပ်ပီးခွင့်ရရေ ဘဝကို ချို ကျေနပ်နိန်ခပါရေ။

              ဘဝအဖုအထစ်တိကို အနာဂတ်ဆိုရေ စိတ်ကူးချေနန့် အားစိုက် တိုက်ထုတ်ယင်း ဖြတ်သန်းလာခကတ်စွာ။ အသံချေကို ကြားရုံနန့် တစ်ဘက်လူ ဟန်ဆောင်လို့ မရအောင်ထိ တစ်ယောက်ကို တစ်ယောက် နားလည်ခကတ်စွာလေ။ “ချို အသံချေ ငယ်နိန်ရေကာ” ဆိုရေ ကို့ အသံကိုကြားကေ ဇာပင်ဖြစ်နိန်, ဖြစ်နိန် ဟန်ဆောင် အသံကျယ်ပြဖို့ ချို အသည်းအသန် ကြိုးစားရစမြဲ။ ချို နိန်မကောင်းဖြစ်ကေလေ့ အလိုလို သိနိန်နိုင်တတ်တေ ကိုစွာလေ ချို လိမ်လို့ မရအောင် ဖြစ်ခရရေ။ “ချို လွန်ခရေ ၂ ရက်၊ ၃ ရက်လောက်က ဇာဖြစ်လေ နိန်ကောင်းယင့်လား” ဆိုပနာ ဖုန်းဆက်ဖြစ်တေ နိန့်မှာပင် မိန်းတတ်တေ။ “ယင်းရက်တိမှာ ကို့စိတ်လီးနိန်ရေ၊ ပြီးကေ ချို နိန်မကောင်းလို့ အိပ်မက်မက်တေ” လို့ ပြောခါ ချို အံ့သြမိလားရရေ။ “ကို့ကို မပြောဘဲမထားပါကဲ့၊ ကို အလိုလို သိနိန်ရေ၊ ကိုရို့နှစ်ယောက် စိတ်ချင်းဆက်စပ်နိန်ရေ သိလာ?” လို့ ကိုပြောရေခါ ချို အတိုင်းမသိကြည်နူးခရပါရေ ကို။ ချို မျက်ရည်တောင် ကျမိခရေ။

             ချိုထက် ၃ နှစ်ကျော်ကြီးပြီးကေ ချိုထက် အများကြီး အချေဆန်ရေ ကို့ကို ချို့မှာ အချေတစ်ယောက်ကိုပိုင် စိတ်မချဖြစ်ရသိမ့်ယင့်။ မှတ်မိပါသိမ့်ရေ ကို။ ချိုရို့နှစ်ယောက် ဖိတ်စာရီးပြီးကေ ငြင်းကတ်ယင်း စကားများလို့ ရယ်ဖြစ်ခကတ် သိမ့်ရေလေ။ ဖုန်းထဲမှာပင် တေးခင်းချေတိ တတူဆိုခကတ်တေ။ ဖြတ်ကျော်လာခရေ အချိန်တိုင်းစွာ ချိုရို့အတွက် ရည်ရွယ်ရေ ပန်းတိုင်ချေနန့် စက္ကန့်မလပ်ပျော်စရာပါ ကို။ ယေကေလေ့ မြှားနတ်မောင်ကရာ ကစပ်ခစွာလာ၊ ချိုရို့ ကံတရားကရာ အာရုံမှောက်မှား ခစွာလာ။ လီညှင်းချေတိပိုင် အီးဆေး ညှင်သာရေ ချိုရို့ချစ်ခြင်းကြားမှာ လီပွီရိုင်း ကံကြမ္မာဆိုးတိ တိုးဝင်လို့လာကတ်တေ ။

            ကိုတစ်ယောက် အိမ်နန့် အဝီးကြီးကို အရောက်မှာ ချိုနားထဲကို စကားလုံးတိ ထိုးသွင်းခံလိုက်ရရေ။ အသိုင်းဝိုင်းဆိုစွာ အရေးကြီးကေလေ့ ယင်းစကားတိ တစ်ချိန်မှာ ရပ်လားလိမ့်မယ်လို့ ချို သဘောထားပီးခပါရေ။ အဓိက “ကို” ။ “ဖြစ်မလာဖို့ ကိစ္စကို ခေါင်းထဲမှာ ထည့်မထားကဲ့၊ ချို စိတ်ပင်ပန်းပါရေ” လို့ ကို ပြောခရေ။ ရည်ရွယ်ရေ ဘဝချေတိအကြောင်းကို တစ်ယောက်နန့် တစ်ယောက် ဖုန်းပြောယင်း ပုံဖေါ်ဖို့ ရှိဆက်ကတ်တေ။ နှစ်ယောက်သား ဖုန်းပြောဖြစ်ကေ မညောင်းတမ်း တခါတလီ ၃ နာရီ လောက်ကြာအောင် ပြောခကတ်တေ မနား။ ကို့ လက်တိအီးခဲနိန်လို့ ဖုန်းလွတ်ကျသံတိကို ချိုကြားရစွာလေ့ အကြိမ်ပေါင်းမနည်း။ ဖုန်းကို ရပ်လို့ ပြောရရေ ကို့ခြီထောက်တိ ထုံလာလို့ ပြန်လီဖို့ပြောကေတောင် မပြန်ချင်ပဲ ဆက်ပြောဖြစ်ကတ်သိမ့်ရေလေ။ နောက်တစ်ခါ ထိုင်ခုံယူလာဖို့လို့ ကို ပြောစွာကို ချို ရယ်ချင်ခရေ။ ကို့ အခက်အခဲ၊ ချို အခက်ခဲချေတိကို တိုင်ပင်နှစ်သိမ့်ကတ်တေ။ မိုးလင်းလင်းချင်း “Good morning” လို့ ဖုန်းနန့် နှုတ်ဆက်ဖြစ်ကတ်တေ၊ ချို အိပ်ယာထနောက်ကျလတ်မေ ဆိုပနာ ဖုန်းနန့် နှိုးတတ်တေ။ ရုံးကိုလားရေ လမ်းတလျှောက် ဖုန်းဆက်ပြောလားကတ် စွာလေ။ ထမင်းစားချိန်ဆိုကေ ဇာစားလေလို့ ဂရုတစိုက်ပုံမှန် မိန်းတတ်တေ ကိုစွာလေ တခါတလီ ချို လိမ်ကေ ချက်ချင်း သိလားတတ်တေ။ ချိုကိုချိုတောင် ဂရုမစိုက်တေ အသေးအမွှားချေတိကအစ ကို ဂရုစိုက်ပီးနိုင်ခ ရေလေ။ အဝီးကြီးမှာ နိန်ကတ်ရပြီးကေ အနီးစပ်ဆုံးလူနှစ်ယောက် ဖြစ်ခကတ်တေ။ လူတိ အားကျလောက်အောင် (ဝီးနိန်ကေတောင်) ကို ချစ်ပြနိုင်ခပါရေ။

            အေပိုင် တစ်ယောက်ကို တစ်ယောက် အားပီး၊ ရှိဆက်နိန်ကတ်ခါမှ ချိုရို့သတိမထားမိခင်မှာပင် စိတ်ဆန္ဒ၊ ဘဝတိကို ကိုင်လှုပ်ခံလိုက်ရရေ။ သတိထားမိချိန်မှာ ချိုရို့ချစ်ခြင်းဆုံမှတ်ကို ချိန်ရွယ်ထားရေ မြှားတစ်စင်း။ ချိုလေ မတုန်လှုပ်၊ မကြောက်ရွံ့ခပါ ကို။ ချို့ကို ချစ်တေ ကို့အချစ်တိကို ယုံကြည်ထားလို့။ ကို့မှာ နှလုံးသားနန့်အပြည့် ချစ်ခြင်းတိ ဟိရေပိုင်၊ ချိုမှာလေ့ ဟိနိန်ရေ။ ချိုရို့ချစ်ခြင်းတိအတွက် တစ်ယောက်ကို တစ်ယောက် သစ္စာဟိထားကတ်ကေလေ့ ချိုရို့ နံပါတ်(၁) နေရာမှာ ထားပြီးကေ တန်ဖိုးထားမြတ်နိုးရေ မိဘက မြှားကို ချိန်ထားရေလူ ဖြစ်နိန်ရေ။ ကို့ မေမေကို ချို စိတ်ထဲကနိန်တောင် မပြစ်မှားမိပါ ကို။ ချိုက မိဘကို တန်ဖိုးထားရေအတွက် ကို့မေမေကိုလေ့ ကို့အတွက် စဉ်းစားပြီးကေလုပ်တေ စေတနာလို့ ယုံကြည် လက်ခံထားလိုက်ပါရေ။ ကို့မေမေ သုံးခရေ လက်နက်တိကို ချို တုန်လှုပ်မှု မဟိခပါ ကို။ အမိနန့် ချစ်သူကြားမှာ ဆောက်တည်ရာမရ ဗျာများနိန်ရေ ကို့ကို သနားလို့၊ သားအတွက် မေတ္တာဇောကြီးနိန်ရေ ကို့မေမေကို သနားမိလို့၊ တစ်ဘက်က တခုလေ့ မသိရေ (ဆရာဝန်မချေကို) မမချေချင်း ကိုယ်ချင်းစာလို့ အားလုံးကို ငဲ့ညှာပြီးကေ ချို အနိုင်မယူရက်တေ လူတိအတွက် ခြီတစ်လှမ်း ဆုတ်ပီးခစွာပါ။ အိမ်နန့် အဝီးကြီးမှာ အလုပ်လုပ်နိန်ရေ ကို့ကို ထိခိုက်မိဖို့ ချိုကောင်းကြောက်ခရေ။ ချို့ကိုမိန်းလိုက်တေ ကို့မိန်းခွန်း  “ချို၊ ကိုရို့ ဇာလုပ်ရဖို့လဲ” လတ်။ ချို ဇာပြောရဖို့လဲ။ မိဘကို တောင်းပန်ကြည့်ဖို့ရာ ပြောမိခရေ။ ချိုရို့နှစ်ယောက်လုံး ဖုန်းကိုမချဖြစ်ဘဲ အေအသံကို မကြားရဖို့ ကြောက်လန့်နိန်ခကတ်တေ။ “ကို့ ဘဝမှာ ဖေ့သာ ၁၀၀ ဟိကေတောင် မေမေ ၅၀၊ ချို ၅၀ လို့ ရည်ရွယ်ထားစွာ” ဆိုရေ ကို့စကား ချိုအတွက် တစ်ဘဝစာ လုံလောက်ပါဗျာယ် ကို ။

           ကိုယ်စီ ကိုယ့်အသံကိုထိန်းယင်း ကိုယ့်ပါးမှာ မျက်ရည်စက်လက်နန့် တစ်ယောက်ပါးကို တစ်ယောက် သုတ်ပီးနိုင်ဖို့ ကြိုးစားခကတ်တေ။ မျက်ရည်စတိကြားမှာ ရယ်စရာ စကားချေတိ လုပ်ကြံပြောကတ်တေ။ ကိုကပြောရေ “ချိုက ကို့ထက်တောင် ပြတ်သားနိန်ရေကာ” လတ်။ “မာနနန့် မဟုတ်ပါကို၊ ကိုယ်ချင်းစာစိတ်နန့်၊ မိဘချင်း ကိုယ်ချင်းစာစိတ်နန့်၊ ဆရာဝန်မချေကို မမချေချင်း ကိုယ်ချင်းစာစိတ်နန့်၊ ချိုရို့နှလုံးသားနှစ်ခုကို ပြန်သိမ်းဆည်းထားရစွာပါ ကို၊ ကို လက်ထပ်ပြီးကေ ချစ်လီဖို့စွာပါရာ၊ တစ်ဘက်လူစွာ မိဘဖြစ်နိန်လို့၊ ကြားလူစွာ မိဘကို လေးစားတတ်ပြီးကေ ချိုကိုကောင်းချစ်တေ၊ ချိုကလေ့ ကောင်းချစ်ရရေ ကို  ဖြစ်နိန်လို့ အချိန်မဆွဲဘဲ တွန်းပို့လိုက်စွာပါ ကို” ။ ပြီးကေ မိဘက သူနန့် ဆိုကေ ကို့ဘဝကို ပိုပြည့်စုံစီချင်လို့ပါ လို့ ပြောမိခါ “ကိုနန့် ချို နှစ်ယောက်ဘဝက ပိုပြည့်စုံပါရေ၊ ကိုရို့နှစ်ယောက်စွာ တစ်ယောက်အတွက် တစ်ယောက် အကောင်းဆုံး လူတိပါ” လို့ ကို ပြောခရေ စကားအတွက် ကျေးဇူးပါ။ “တိုက်ပွဲတောင် မဝင်ရသိမ့်၊ ချို ဇာဖြစ်လို့ အားလျော့နိန်ရစွာလေ” လို့ ကို ပြောရေ။ ဘဝကပီးရေ တိုက်ပွဲတိုင်းကို ရင်ဆိုင်ဖို့ ချို အကြောက်အရွံ့မဟိ အဆင်သင့်ဖြစ်နိန်တတ်ကေလေ့ အဂု ချိုရို့ရင်ဆိုင်ရဖို့စွာလူက ချိုရို့ တိုက်ပွဲဝင်သင့်ရေလူမဟုတ် ရှိခိုးထိုက်တေ မိဘဖြစ်နိန်လို့ပါ။ မိဘတိုင်းကို ချိုမိဘနန့်တန်းတူ တန်ဖိုးထားလေးစားရလို့ပါ။ ချိုရို့နှစ်ယောက်လုံး ဟန်ဆောင်မရအောင် ခံစားရကေလေ့ ကို့ကို မိဘကျေးဇူး ဆပ်ခွင့် ပီးလိုက်စွာပါ။ “ကိုယ်လုပ်ချင်ရေ ဆန္ဒအတိုင်း လုပ်ဖို့ ဇာဖြစ်လို့ အေလောက် ခက်ခဲရစွာလေ ချိုရယ်” လို့ ကိုပြောရေ။ လုပ်ချင်ရေဆန္ဒကို လုပ်ဖို့ ခက်တေဆိုစွာ ကို လိမ္မာနိန်လို့ပါ၊ ကို့မေမေကို စိတ်ချမ်းသာစီချင် ကတ်လို့ပါ။ ကိုနန့် ချို အရွယ်ရောက်ပြီးသား ကိုယ်ရို့ထင်စွာကို လုပ်ပိုင်ခွင့်ဟိကေလေ့၊ လုပ်နိုင်ရေ အခြေနေပီးခကေလေ့ ခံစားရစွာတိကို ခါးစည်းခံပြီးကေ ကို့မေမေကို စိတ်ချမ်းသာစီခကတ်တေ အတွက် ကျေနပ်ပါရေ။ “ချိုပျော်ကေ ကိုလေ့ ပျော်ရေ” လို့ ကို ပြောတတ်တေအတိုင်း ကို့မေမေပျော်လို့ ကိုပျော်ရကေ ချိုလေ့ ပျော်နိန်ဖို့စွာပါ ကို ။ ကို့ကို မွီးပီးရေ အသက်သခင်ကို ချိုရို့နှစ်ယောက် နှလုံးသား ကြွီမွ ကြွီကွဲခံပနာ ပီးဆပ်ခွင့်ရစွာအတွက်၊ ကိုနန့်တတူ ချိုပါ ဝင်ပီးဆပ်ခွင့်ရရေအတွက် ကျေနပ်ပါရေ ကို ။ ကို့မေမေလေ့ ကျေနပ်ပါစီ ။

          အချိန်အတိုင်းတာတစ်ခုကိုရောက်ကေ အားလုံး ကိုယ့်စွာနန့်ကိုယ် အသားကျလီဖို့စွာပါရာလို့ ချိုပြောမိခါ ကိုက “လူများတိပြောရေ စကားလား ချို၊ တစ်ချိန်ကျကေ အမှတ်တရအဖြစ်နန့် ဟိနိန်ဖို့လို့ ပြောကတ်တေမနား။ ကို့အတွက်က အမှတ်တရအဖြစ်အပျက်မဟုတ် ချို၊ ဘဝမှာ အကြီးဆုံး အစိတ်အပိုင်းတစ်ခု၊ အဂုကနိန် ကိုစွာ ချို ပြုပြင်ထားရေ စရိုက်တိနန့် နိန်ဖို့တတ်တေလူ ဖြစ်နိန်ဗျာယ်၊ တစ်သက်လုံးနိန်သရွိ ကို့အတွက် တစ်ဘဝလုံးစာ ပြုပြင်ပီးခရေ ချိုကို အမှတ်တရအဖြစ်အပျက်တစ်ခုပိုင်ရာ ဟိလီဖို့ထင်လို့လား။ ကို့ဘဝနန့်ထပ်တူ ဟိလီဖို့စွာပါ ချို။ တစ်ဘဝလုံး အေရင်ထဲမှာ သေချာသိမ်းထားလီဖို့စွာပါ” လို့ ပြောလိုက်ခါ ချိုမှာ ပြောစရာစကား ရှာမတွိအောင် ရင်ထဲမှာ ဆို့နင့်လားမိပါရေ ကို။ အသည်းကွဲရေဆိုစွာ ဘဝတစ်ခု သီဆုံးလားစွာနန့် မခြား ဆိုစွာကို ချို နားလည်လိုက်ဗျာယ်။ လူတစ်ယောက်မဟိလို့ နောက်တစ်ယောက် ဘဝ ပျက်မလားလို့ ချို ကြွီးကြော်ခဖူးရေ ။  ဘဝပျက်၊ မပျက်လာတော့ခါ မသိ၊ အဂု အသက်ရှင်နိန်ရစွာကိုတောင် ကြောက်တတ်လာရေ။ မိန့်ပလိုက်ဖိလို့ လူတိလာပြောရေ စကားအတွက် ချိုမှာ ပြန်ပြောစရာ စကားမဟိ။ ဇာပိုင် မိန့်ရဖို့လဲ ကို။ နောက်ဆုံး စကားပြောဖြစ်တေအချိန်ထိ ချို့ကို ကို့ရင်ထဲမှာ တဗျင်း တန်ဖိုးထားပြီးကေ ချစ်စွာ လို့ တဖွဖွ ပြောနိန်ရေ ယင်း စကားသံတိကို ချို့ နှလုံးသားထဲမှာ အသံဖမ်းယူထားစွာပိုင်ဗျာယ်။ ရင်ထဲမှာ အသံတိတ် ပေါက်ကွဲထွက်နိန်ရေ သောကတိက ချို ခံနိုင်ရည်တိကို အရင်းကပင် တိုက်စားယူလားကတ်ယင့်။ ချိုအတွက် ဖြေဆည်စရာ ရှာမရပါ ကို။ တချက်ချေ မျက်လှည့်ပြရေပိုင် ဆုံခွင့်ပီးခရေ ကံကြမ္မာကိုရာ ယိုးမယ်ဖွဲ့ရဖို့လား ကို ……

          နှလုံးသားနှစ်ခု ကြွီပြုန်းရကေလေ့ အသိုင်းဝိုင်း နှစ်ခုကြားက ပဋိပက္ခကို ငြိမ်းသတ်လိုက်ခစွာပါ။  ချိုရို့နှစ်ယောက် ချစ်ခြင်းတိနန့် အသိုင်းဝိုင်းနှစ်ခုကို ချစ်ပီးလိုက်စွာပါ။ ချိုရို့နှစ်ယောက် အချစ်တိနန့် ကို့မေမေကို ချစ်ပီးလိုက်ကတ်စွာပါ။ ချိုရို့ချစ်ခြင်းတိကို ရင်ထဲ အနက်ရှိုင်းဆုံး နိန်ရာမှာ အသေချာ သိမ်းဆည်းထားရဖို့ဗျာယ်လေ။ နောက်ဆုံးတွိခရေ အချိန်ထိ သူစိမ်းတိဖြစ်ခရေ လူနှစ်ယောက်စွာ တစ်ယောက်ကိုတစ်ယောက် ဘဝနန့်ထပ်တူ ချစ်ပြီးမှ နောက်တစ်ခေါက် ပြန်ဆုံဖြစ်ချိန်မှာ အသိုင်းဝိုင်းဆိုရေ စည်းတစ်ခုအတွက် ချစ်ခြင်းတိကို မြိုသိပ်လို့ သူစိမ်းတိအဖြစ်ရာ နိန်ကတ်ရဖို့ဆိုရေ ကံတရားကိုတော့ကေ ချို စိတ်နာမိရေ ။ ကို့ရင်ထဲမှာ ကမ္ဘာပြိုနိန်စွာကို သိကေလေ့ ကို့ကို နှစ်သိမ့်ပီးဖို့ ချို ကိုယ်တိုင်တောင် အားမဟိခပါ ကို။ ချိုရို့ နှစ်ယောက်တစ်ဘဝကို ပုံဖေါ်နိန်ယင်းမှာပင် ဆီးရောင် ပျက်လားခရဗျာယ်။ ချိုရို့ နှလုံးသားနှစ်ခု ပျက်သုန်းခံပြီးကေ အသိုင်းဝိုင်း နှစ်ခုကို ကာကွယ်ပီးခကတ်ရစွာ မဟုတ်လား။ ယင်းချင့်အတွက် ချို ကျေနပ်ပါရေ။ ချို့ နှလုံးသားထဲက နှလုံးသွီးတိကို (M.B.B.S) က ဆရိန်းချေနန့် အသာအယာပင် ဆွဲနှုတ်လားလီယင့် ။

             သက်ပြင်းချသံတိရာ လွှမ်းမိုးနိန်ရေ အိပ်ပျက်ညည့်တိကို နှစ်ယောက်သား တိုင်ပင်မထားဘဲ လက်ချိုးရွီနိန်ကတ်ရရေ မဟုတ်လား။ တစ်ယောက်ကို တစ်ယောက် နှစ်သိမ့်အားပီးရေ စကားချေတိ ပြောမိကတ်တေလေ။ ကို ပြောခရေ “ကိုရို့နှစ်ယောက် ဇာဆုတောင်းမှားခလို့ ကျိန်စာသင့်ကတ်ရလေ့မသိ၊ နောက်ဘဝဆိုစွာ ဟိခကေ အဂုဘဝမှာ ချစ်ခကတ်စွာကို မှတ်မိပြီးကေ အတိုးချချစ်လို့ အတားအဆီးမဟိ ပေါင်းခွင့်ရချင်ရေ ချိုရယ်၊ တစ်သက်စာ သီရာပါ ဒါဏ်ရာပါ ချို” ဆိုရေစကားကို နှလုံးသားနန့် နားထောင်ဖြစ်ပြီးကေ ကိုနန့်ထပ်တူ ဆန္ဒပြု ဆုတောင်းမိခပါယင့်။ နောက်ဘဝဆိုစွာရာ ဟိခကေ ကိုနန့်ပြန်တွိလို့ တသက်လုံး ဆုံဆည်းခွင့်ကို ရပါစီ အသျှင်ဘုရား။ တပည့်တော်ရို့စစ်မှန်ရေ ချစ်ခြင်းတိကို မြိုသိပ်လို့ မိဘစိတ်ချမ်းသာဖို့ ရွီးချယ်လိုက်ခကတ်ပါရေ ဘုရား။ အေမှန်ရေ သစ္စာစကားကြောင့် ဘဝဆက်တိုင်း ချစ်တေလူနန့် ကွေကွင်းရရေ ဒုက္ခက တပည့်တော်ရို့ နှစ်ယောက်စလုံး ကင်းဝီးနိုင်ပါစီ အသျှင်ဘုရား။              

           အေစာကို ရီးခွင့်ပီးခလို့လေ့ ကို့ကို ကျေးဇူးတင်ပါရေ ကို။ ချို့ နှလုံးသား စူးနစ်နာကြင်ပြီးမှ ရလာရေ သောကတိနန့် အေစာမူကို ချို အသက်သွင်းခပါရေ ကို။ ချို့ဘဝတလျှောက်မှာ စာတစ်လုံးစီတိုင်း မျက်ရည်ကျခရရေ တစ်ခုတည်းသော စာပါ။ စာမူ ရီးပြီးရေနိန့်က ကို ဖတ်ချင်ရေဆိုလို့ ချို ဖုန်းထဲက ဖတ်ပြလိုက်ခါ ကို ကျခရရေ မျက်ရည်တိအတွက် တောင်းပန်ပါရေ။ ကို့မျက်ရည်တိစွာ ချို့ ရင်ဘတ်ကို လှိုက်စားစီရေ။ ကို မငိုပါကဲ့။ ချို ကို့ကို မျက်ရည်မကျစီချင်။ ချို့ ရင်ဘတ်ထဲမှာတော့ကေ အသက်ရှုလိုက်တိုင်း နာကြင်နိန်ရရေ။ ချို့ ထွက်သက် ဝင်သက်တိုင်းမှာ “ကို” ဆိုရေ ခေါ်ညည်းသံတစ်ခု ကပ်ငြိပါနိန်ကတ်တေ။ ရှင်သန်နိန်ရဖို့ ဆိုရေ ဝတ္တရား တစ်ခုကလွဲကေ ချိုဘဝ တစ်ခါ သီဆုံးလားရဗျာယ်။ ဇာလောက်ပင် သတ္တိဟိရေ ဟန်ဆောင် ဟန်ဆောင် ချို စိတ်နှလုံးသားတိက လိုရာကိုမလား။ တခေါက်တခေါက် မျက်ရည်တိရာ အကြောင်းကြောင်းစီးကျလို့နိန်ယင့်။ ရယ်နိန်ရေ လူတိကို တွိကေတောင် မနာလိုဖြစ်တတ်နိန်ဗျာယ်။ နှလုံးသားစွာ ချို့ control အောက်က လွတ်လားဗျာယ်လေ။ ပေါင်းစည်းခွင့်ကို မပီးချင်ဆိုကေ အေလောကကြီးစွာ ဇာအတွက်နန့် နှလုံးသားနှစ်ခုကို ပြပြုတ်ပြုန်းအောင် လှုပ်ခါကိုင်ပနာ ကစပ်ခရစွာလေ…. ချို  ဇာပိုင်  ဆက်ရှင်သန်ရဖို့သိမ့်လဲလို့    အော်မိန်းကြည့် လိုက်ချင်ရေ ။

          ဇာပင်ဖြစ်ဖြစ် ကို့ကောင်းကင်မှာ “လမင်း” သာနိန်ပါစီ။ အဂုကြွီကျခရေ ကြယ်စင်ချေတိ တစ်နိန့်မှာ ပြန်လင်းလက်နိုင်ပါစီ။ ချိုကတော့ကေ ကောင်းကင်ကို မော့ကြည့်မိတိုင်း ချိုအတွက် နွီးထွီးရေ လမင်းကြီးကို မြင်နိန်ရပါယင့်။ ချို့ကို စကားလှမ်းပြောတတ်တေ ကြယ်စင်ချေတိကတော့ကေ ပျက်သုဉ်းလို့ ကြွီကျခရဗျာယ်လေ။ ယင်းကြွီကျလားရေ ကြယ်စင်ချေတိ ချို ကောင်းကင်မှာ တစ်ဘဝလုံး ဆိတ်သုဉ်းလားကေတောင် ချို အနိုင်မယူရက်တေ လူတိ ကောင်းကင်မှာ ထာဝရ လင်းလက်နိုင်ဖို့ဆိုကေ ချိုကျေနပ်ပါဗျာယ် ……………………..

            

……........................................................

 

        

 The More Loving One

“Looking up at the stars, I know quite well

 That, for all they care, I can go to hell,

 But on earth indifference is the least

 We have to dread from man or beast.

 How should we like it were stars to burn

 With a passion for us we could not return?

 If equal affection cannot be,

 Let the more loving one be me.    

 Admirer as I think I am

 Of stars that do not give a damn,

 I cannot, now I see them, say

 I missed one terribly all day.

 Were all stars to disappear or die,

 I should learn to look at an empty sky

 And feel its total dark sublime,

 Though this might take me a little time.”

                                                          

                                                          W. H. Auden

(တန်ဖိုးထား ချစ်ကတ်ယင့်သားနန့် ကွဲကွာရရေ ဒုက္ခဆင်းရဲက ကင်းဝီးနိုင်ကတ်ပါစီ)

                                                                                                                     

                                                                                       သင်းချို (03.05.2011)