ပိန်းပိတ်အောင် မှောင်နိန်ရေ အမှောင်ထုကြီးတစ်ခုလား....
ပြင်းပြစူးရှလွန်းရေ အလင်းဟင်းလင်းပြင်ကြီးလား ....
ဇာတစ်ခုလေ့ မမြင်ရအောင် ဝေဝါးနိန်ရေ အမြင်အာရုံတိအောက်မှာ
တဒေါက်ဒေါက်ကျနိန်ရေ ငါ့နှလုံးသွီးစက်သံ တိကလွဲလို့
ငါ့အတွက် အဖေါ်ပြုစရာ အခြားမဟိ ...
ရင်ထဲက သိပ်သည်းဆနန့်အမျှ ခံစားရစွာတိ မချိမဆန့်ပါလားဝေ ...
ဒေ ရင်ဘတ်ကို ချခင်း
တစ်လှမ်းချင်း နင်းဖြတ်လားခရေ ခြီသံအချက်တိုင်းကို
ဆံခြည်တစ်မျှင်စာတောင် အလွဲအမှားမဟိ မှတ်မိနိန်သိယင့် ....
ငါ့စွာငါ နှလုံးသွီးကြောမကြီးတိကိုချည်
သူရဲကောင်းတစ်ယောက်ပိုင် ထင်မှတ်နိန်ခသိရေ ...
ဒေ ဖမ်းဆုတ်မရရေ မျှော်လင့်ချက်တိကို
အပြီးတိုင် မလွှတ်ချနိုင်သိသရွိတော့
ဘဝတစ်ခုလုံးစာ စုတ်ပြတ်သတ်လားပြီးကေတောင်
ငါ နာကြင် ပဲ့ကြွီနိန်လီရဖို့သိ ........................................
သင်းချို (2:05 PM)
0 comments:
Post a Comment