သူ

သူ့ကို စတွိလာခစွာ ၁၉၉၁ ခုနှစ်ကပင် .... သူနန့် အကျွန် အကြိမ်ပေါင်းအများကြီး မျက်မှန်းတန်းမိခကတ်ပါရေ ... မှတ်မှတ်ရရ သူနန့် စတွိရေ အချိန်က သူ့ကို ကြိုဆိုရေလူတိ အများကြီးကြားထဲမှာ ထင်းခနန်း မြင်နိုင်ရေ ... သူ့ကိုကြည့်ပနာ အားလုံး ပြုံးလို့၊ ပျော်လို့ ... အချေခါ ဘဝကပင် သူ့ကို တမိတမောကြည့်ဖူးခရေ ... ယပြတ်ဆိုရေပိုင်လေ့ ဆုံဖူးခရေ ... သူ့ကိုကြည့်ပနာ ကြည်နူးမိခရေ .............

၁၀ တန်းအောင်လို့ တက္ကသိုလ်တက်ခါတော့ သူ့ကို နိန့်တိုင်းတွိလာရရေ ... တခါတခါ သူ့မျက်နှာမှာ မှန်ကန်မှုတိကိုတွိရရေ ... တခါတခါဆိုကေတော့ မျက်နှာသီနန့် ... အေပိုင်နန့် သူနန့် တွိပြီးကေ မျက်မှန်းတန်းမိလာခစွာ ကျောင်းတောင်ပြီးလားခပါဗျာယ် ... သူ့ကိုတော့ကေ တမိတမော့ ကြည့်ဖြစ်တုန်း ....

ဆီးကုမ္ပဏီမှာ အလုပ်စလုပ်တေအချိန်ခါတော့ကေ သူ့ကို တစ်နိန့်မှာ နှစ်ကြိမ်၊ သုံးကြိမ်လောက် တွိလာရရေ ... တခါတလီ သူ့ကိုကြည့်ယင်း ရင်ခုန်သံတိ မြန်ရရေ ... တခါတခါတော့ကေ ဟင်းးး ခနန်း သက်ပြင်းချဖြစ်တေ ... တခါတလီကျပြန်ကေလေ့ ရင်ထဲမှာ ဟာတာတာနန့် ... သူကတော့ကေ သူ့ပုံစံအတိုင်း မပြောင်းမလဲ ... အစပိုင်းခါတော့ကေ သူကလေ့ လူတိကို ပုံမှန်နှုတ်ဆက်တတ်တေ.. နှုတ်ဆက်နိန်ကျ ... အချိန်ကြာလာခါ သူလေ့ သူဖါသာသူ၊ အားလုံးလေ့ ကိုယ့်စွာနန့်ကိုယ် ... ယကေလေ့ ဇာပင်ပြောပြော ယပြတ်ပိုင် သူနန့် မျက်နှာချင်းဆိုင် တွိနိန်ဖြစ်တုန်း ... အကြည့်ချင်းဆုံဖြစ်တုန်း ...

အခြားလူတိကရာ ပြောင်းပြောင်းလားခရေ ... သူကတော့ကေ ယင်းနိန်ရာမှာ ယင်းအတိုင်း မပြောင်းမလဲ ... သစ္စာရှိရှိ ရပ်တည်နိန်တုန်း ... သူစွာ စစ်တွေမြို့အတွက် အထင်ကရ ပြယုဒ်တစ်ခုလေ့ ဖြစ်နိန်သိရေ ... ဇာသူစွာ ဇာလောက်အဝီးကို ဇာလောက်ကြာအောင်ပင်လားလီပတ်စီ စစ်တွေကို သတိရတိုင်း သူ့ကိုလေ့ မှတ်မှတ်ရရ သတိရ မှတ်မိနိန်ကတ်သိယင့် ... သူကတော့ကေ သူ့ပုံစံအတိုင်း မပြောင်းမလဲ ...

သူ .....        သူ ...............
၁၉၉၁ ခုနှစ်ကပင် တွိဆုံလာခရေ၊ မျက်မှန်းတန်းမိ ရင်ခုန်မြန်ခရရေ၊ ရင်ထဲမှာ ခံစားချက်ချေ ပေါင်းစုံကို ပီးခဖူးရေ သံယောဇာဉ်ကြိုး တထွီးကြီးနန့်သူ ..........
မြို့စစ်တွေ ပြယုဒ်တိထဲက တစ်ခုအဖြစ်နန့်သူ ............
ရင်ထဲက  သူ ..................................

လောကကြီးက မှန်ကန်မှုနန့်၊ လစ်လျူ ရှုတတ်မှုကို မျက်နှာထားအမျိုးမျိုးနန့် ပြတတ်တေ သူ ... အကျွန့်ရင်ထဲက ဆယ် စုနှစ် နှစ်ခုတိုင်တိုင် မိန့်ဖျောက်မရနိုင်ရေ သူ .....
သူက မေယုလမ်း (စာတိုက်လမ်း)နန့် လမ်းမကြီးဆုံရာမှာ ထီးထီးမားမားရပ်နိန်တတ်တေ ဆယ်စုနှစ် နှစ်ခုကို ဖြတ်ကျော်လာခရေ နာရီစင် (အသစ်လို့ အဂုထိခေါ်တုန်း) ကြီးပါ ... (သူရာ အချိန်မှန်ကို ပြနိန်ခကေ မတော်တဆ အလုပ်နောက်ကျရေနိန့်တိ သူ့ကိုကြည့်လို့ ရင်ခုန်မြန်ခရရေ .... သူရာ စက်ပျက်နိန်ကေ သူ့ကိုထားမိရေ မျှော်လင့်ချက်တိ ဟင်းးးးး ခနန်း သက်ပြင်းတစ်ချက်နန့် တတူ အဆုံးသတ်ဖြစ်လားရရေ )....


ထိုထိုသော သူ ................


သင်းချို (21/04/2012 - 1:43 AM)

အဖမြီ နွီသို့ အလွမ်း

ထိုနိန်ရာ .....
                  ရိုးမအနောက်တစ်ဘက်က
                  ငါ့ချက်ကြိုး သဂြိုလ်ရာ ..........
                  ငါ့အဇ္ဈတ္တ မြှုပ်နှံရာ .........
                  ငါ့နှလုံးသွီး မြစ်ဖျားခံရာ .......
                  ငါ့ပျံသန်းခြင်း အစပျိုးရေ နိန်ရာ .......
                  ငါ့စိတ်ဝိဥာဉ် ပင်မကျက်စားရာ ........
                  ငါ့ဖြစ်တည်ခြင်း ရီသောက်မြစ် ........

ထို သဇင်တိ ပျော်ရေမြီမှာ ............
                   ဥသြပျို တေးရင့်ကျူးလို့ ရွက်ဝါအိုမြေခချိန်
                   ဂိမ္မာန် နွီဦး အခါထူး လီရူးမှာ
                   ငါ့ အလွမ်းတိ တတောလုံး
                   ပစ္စလက္ခတ် ပြန့်ကြဲလို့ ကြွီကျ . . .

                   နွီတစ်ကျော့ ရောက်လာခပြန်ကေ
                   ဟိုး .... နန်းတော်ရာကြား စဥ့်အိုးချေထဲက
                   ကြာညိုနံ့ သင်းရေ ရီကို
                   မာလခွံနန့် ခပ်သောက်ဖို့
                   ပပြင်းပပြ ချင်ခြင်းတ ဆာလောင်မိသိရေ . . .

                   ဒေအချိန်ဆိုကေ အဖမြီမှာ
                   ဥသြပျိုတေးသံ စိုင်းဒြားမင်းရို့တောင်နံရံထက်
                   ပဲ့တင်ထပ်နလီဖို့ ထင်ယင့် . . .

                   အဝီးရောက်သားသမီးတိကို လွမ်းယင်း
                   ထို အဖရင်ခွင်ကျယ်လေ့
                   အငွေ့ထ လောင်ကျွမ်းနိန်လောက်ဗျာယ် . . .

ထိုထိုသော ..........
                   အလွမ်းတိနန့် လွမ်းတိုင်း ........
                   အနာဂတ် ရိုးမတောင်နံရံမှာ
                   အဖနာမည် ကဗျည်းရီးထွင်းခါ
                   ကျောက်ထွင်းဓါးချေတစ်စင်း ဖြစ်နိုင်ဖို့ အာသီသနန့်
                   ငါ့ကိုငါ သွီးထားခယင်း . . .

အို .... လွမ်းမိရေ ၊ လွမ်းရရေ
                   အဖမြီက နွီကို . . .

                                                                                 သင်းချို

ငါရို့အိမ်ပြန်ကတ်ရဖို့

ခံစားချက်တိ အဆုပ်လိုက်ကြွီ

'လ' မသာရေ ညတိမှာ

ကြယ်ရောင်တိ မစုံခကတ်ရ .....

မဖူလုံရေ ဝမ်းစာအတွက်

တိုင်းတပါးမြစ်ကြောင်းမှာ နီပူသတ်ကြောပြင်တိနန့်

ဘဝကို အစုန်အဆန်လှော်ခတ်လို့

အဘာမြီကို တချက်ချေ နောက်ခိုင်းထားခကတ်ရဗျာယ် ....

အချိန်တန်လို့ အိပ်တန်းပြန်ခါတော့ကေ

ပေါင်းရှင်းဖို့ ဓါးတစ်လက်

ပန်းပွင့်ဖို့ မြေဆီလက်တစ်ဆုပ်စာ ဖြစ်တန်ကောင်းယင့် ...

ဒေ အုတ်တစ်ချပ်၊သဲတစ်ပွင့် သစ္စာတရားကို ကိုက်ချီ

ငါရို့မာန်ခဲထားကတ်မယ်

တစ်ချိန်ခါ ငါရို့အိမ်ကို ငါရို့ပြန်ရဖို့ ................

အဘာခြံထက်မှာ ဖုံးအုပ်နိန်ရေတိမ်မည်းတိကို

မိုးအဖြစ် ရွာချပစ်ကတ်ရဖို့ ..................

အက်ကွဲကြောင်းရာအထပ်ထပ်နန့်

တလင်းပြင်ပိုင် ငါရို့ရင်ဘတ်တိကို

ပြန်ပနာ စိမ်းလန်းစီကတ်ဖို့ ....................

ဒေ သစ္စာတရားတိနန့် နနှောင်းချည်

အဘာအိမ်ကိုလွမ်းယင်း -------

ငါရို့တောင်ပံပြပြင်းခတ်နိုင်ဖို့ အားဖြည့်ထားကတ်မယ်

တစ်ချိန်မှာ ငါရို့အိမ်ပြန်ကတ်ရဖို့ . . .

သင်းချို

ဆောင်းခိုငှက်

အချိန်တန်ကေ အိမ်ပြန်ရဖို့အသိနန့်

တစ်ရာသီစာခိုလှုံဖို့ ငါရို့ခရီးနှင်ပါလတ်ကတ်စွာ

လဲကျနိန်ရေအချိန်

တောင်ဝှေးတစ်ချောင်းစာချေ မျှော်လင့်ချက်ထက်

ပြင်းပြရေ အာသီသတိ မပါ ...

အေနိန်ရာ အေဒေသတိအောက်မှာ

လွမ်းရိပ်မိ နှလုံးသားတိနန့်

ကိုယ့်ရင်ဘတ်ကို ကိုယ်ထွန်ယက်လို့

မြေစမ်းခရမ်း ပျိုးနိန်ကတ်ရတုန်း ...

ဘဝကို စာလုံးပေါင်းဖို့

သတ်ပုံတိအမှားမှား အယွင်းယွင်းနန့် ငါရို့

နုံသထက် နုံ ၊ အ သထက် အ လာခကတ်တေ ...

နီထွက်ပြီးကေ နီဝင် ၊ နီဝင်ပြီး နီထွက်

ဒေ နီအထွက် အဝင်ကြားမှာ ငရို့အဓိပ္ပါယ်တိ

စက်ရုပ်ဆဆန် စီးမျှောနိန်ကတ်ပြန်စွာ

ဇာ နှစ်နီထွက်လို့ ဝင်ကတ်ရဖို့ဗျာယ် မသိ ...

ခိုလှုံခွင့်ချေတစ်ခုအတွက် နှလုံးသားကိုကျကျစ်ဆုတ်ဗျာယ်

ရီမြီပြောင်းလာခရရေ ငရို့တိအတွက်

ဒေ ဆောင်းတစ်ရာသီစာ အယင်ကုန်လွန်ပီးပါ ...

သင်းချို

တမ်းတပုံရိပ်

မြို.တစ်လျှောက် ဇာကိုပင်လားလား
အမြင်ကနိန် ပျောက်ထွက်မလားရေ
ငယ်ပေါင်းဖော် သူငယ်ချင်း "ကစ္ဆပနဒီ" .......

တနီကုန်တနီခမ်း ရင့်ပြာသတ်နိန်ခယင့်
ဲခြီကုန်လက်ပန်းကျကေ အိပ်တန်းပြန်ဖို.
ခိုလှုံစရာ အသိုက်ရှိလီရေ ..........

ဘ၀မဟုတ်သိရေ အိုင်ချေထဲမှာ ....
ပြသ၁နာမဟုတ်သိရေ ဘေးထွက် အဖုအထစ်ချေတိအတွက်
အကြီးအကျယ် ခံစားမိကေ
နှစ်သိမ့်ပီးဖို. လက်တစ်စုံ ရှိလီရေ .........

ဟောင်ဖွါဟောင်ဖွါနန်. အာကျယ်ဗျာယ် လူတန်းစိနိန်နိုင်ဖို.
ဖြည့်ဆည်းပီးရေ အားကောင်းမောင်းသန်
လက်မောင်းကြီးလည်း ရှိလီယင့်လေ .........

ကြောက်လန်.တကြား ပဋိပခတိအတွက်
မားမားမတ်မတ် ကာကွယ်ပီးရေ
ရင်အုပ်ကားကြီးလည်း ရှိလီပြန်သိရေ ........

တစိချေလောက် အလိုမကျစော်တိအတွက်
ခေါင်းခါ လိုင်(လည်)ခါဗျာယ် အော်ငိုဖို.
အခွင့်အရေးတိလည်း ရှိလီရေယေ ..........

ယင်းပုံရိပ်တိနန်. တတူ .......
ပင်လယ်အော်သံ ၊ ရခိုင်စည်သံ ၊ ရခိုင်စကားသံ
အားလုံး အားလုံးကို တမ်းတမိရဗျာယ်ဝေ ............ ။


သင်းချို

အစိမ်းရောင် တံခါးနောက်မှာ

မတောက်တခေါက် အသိဥာဏ်နန်.
လောကကြီးကို တံခါးလာခေါက်ကြည်.မိရေ့့့ 
ဆီးကြိုနိန်ရေ စိမ်းခါးခါး ရနံ.
ငါ့ဘ၀တစ်ခုလုံးကို လွှမ်းခြုံ ခါးသက်စီရေ့့့ 

စိတ်ဆန္ဒတိ တက်ရောက်ကတ်တေ ပြပွဲမှာ
အတ္တတိ ၀တ်မှုန်ကူးနီကတ်ယင့့့် 
ရောင်းပန်းလှ အပြုံးတိနန်.
သူ့ထက်ငါအပြိုင်အဆိုင်
မာနတိကို ရောင်းဈေးမြှင့်နိန်ကတ်တယ့့့် 
ငါမှာက လွတ်ကျလားရေမာနကို
ယောင်လည်လည်နန်. လိုက်ရှာနိန်ရရေ့့့ 

ဂုဏ်သိက္ခာနန်. အဆင့်အတန်းကို
ကျွမ်းကျွမ်းကျင်ကျင် ရွတ်ဖတ်နိန်ကတ်တေ
အသိုင်းအ၀ိုင်းမှာ ........
ငါက လူရာမ၀င်

ပြပွဲ ဒေါင့်ချေမှာ ထိုင်ဗျာယ်
တံခါးပြန်ပွင့်လာဖို. အချိန်ကိုဆုတောင်းယင်းနန်.
တတိန်းချေ မျက်နှာငယ်နိန်ရရေ ။ ။


သင်းချို

အဝီးတိမ်

မျှော်လင့်ခြင်းနန်.အသက်ရှင်ရေ ပြောကတ်တေ့့့ 
ရှင်သန်ဖို.အတွက် မျှော်လင့်ခြင်းလား .....
မျှော်လင့်ဖို.အတွက် ရှင်သန်ခြင်းလား .....
မသေမချာ မရေမရာ ။ ။

ငါ့အတွက်က မျှော်လင့်ခြင်းဆိုစော်
အ၀ီးတိမ်ပါ့့့ 

ငါပြီးနိန်ကေလေ့ သူပြီးရေ
ငါရပ်နိန်ကေလေ့ သူပြီးရေ ........
ဇာအချိန်ခါ ပြိုဆင်းဖို.မှန်းမသိရေ သူ.ကို
မျက်ခြီမပြတ်ဖို. မညောင်းတမ်း ငါလိုက်ပြီး
အိမ်မက်တိထဲမှာတောင် ငါက တိမ်လိုက်ဖမ်းလို.့့့ 

ငါပြီးနိန်ကေလေ့ သူပြီးရေ
ငါရပ်နိန်ကေလေ့ သူပြီးရေ ........
ခလုတ်တိုက်လို. လဲအကျ
ငါ့လက်တစ်ကမ်းအလိုမှာ သူရွာချခရေ ။ ။

မျှော်လင့်ခြင်းဆိုစော် ငါ့အတွက်က
အ၀ီးတိမ်ပါ့့့ 



သင်းချို

ကျိန်စာကောက်ကြောင်း

တစ်စက်ချင်းဆူဝေတက်လာရေ စိတ်အဆာ
သူ့စကားလုံးတိထဲမှာ အလုအယက်ပေါက်ကွဲ
ခံစားချက်ကင်းရေလူ မျက်လုံးထဲက စကားသံ
ငါကရာ နားကြားလွဲခစွာလာ့့့ 
ငါစွာ ကိုယ့်ကိုကိုယ် ကျိန်စာစူးခရေလူပါ ။

မရည်ရွယ်ဘဲ ပုံဖော်မိရေ မျှော်လင့်ချက်ချေနန်.
သူ.လက်ကို ဆုတ်ကိုင်မိပြီးခါမှ
မယိမ်းနွဲ.တတ်တေ သူ.နှလုံးသားရင်ခုန်သံ
ငါကရာ ဘာသာပြန်မှားခစွာလာ့့့ 

အမှန်ပါရာ ကောင်းကင်
မင်းစွာ ငါ့အတွက်မလင်းလက်ချင်ရေနိန့်မှာ
မင်းအနားက ငါ့ဝိဥာဉ်ကို အဆုံးထိနှုတ်ယူလိုက်မယ်
" ငါ့မျက်ရည်ထက် မင်းအပြုံးကို ပိုမက်မောရေ
ငါစွာ "့့့ 
ကိုယ့်ကိုကိုယ် ကျိန်စာစူးခရေလူပါ ။ ။


သင်းချို

ကမ်းဝီးလှောင်အိမ်

အရောင်အဆင်းကို စိတ်ကြိုက်ကစပ်တတ်တေ မာယာရှင်နန့်
ဘဝကို အလဲအထပ်လုပ်ဗျာယ် စီးချင်းထိုးနိန်ရရေ ။
်
လိမ္မာခြင်းနန့် မကျွမ်းဝင်ရေငါ
ရိုးသားခြင်းပြယုဒ်ကိုချိတ်ဆွဲဗျာယ် ပီပီပြင်ပြင် "အ"ဖူးခရေ ။

လူလူချင်းအမဲလိုက်ကတ်တေ သူရို့သင်ရိုးကြားမှာ
ကျောင်းကယူလာရေ "လောကနီတိ"လေ့
မျက်နှာချေငယ်လို့့့ 

ဂုဏ်ဒြပ်ချင်းရာ စကားပြောရေ အသိုင်းအဝိုင်းမှာ
မေမေပီးရေ နှုတ်ချို ၊ ချိုတစ်ပါးက
လွယ်အိတ်ထဲက ထွက်မလာ့့့ 

ဖြစ်တည်ခွင့် နိန်ရာချေတစ်ခုအတွက်
သေသေသပ်သပ်နန့် လင်းလက်တေ အပြုံးတိနောက်ကို
အပြီးတစ်ပိုင်း လိုက်နိန်ခသိရေ ။
လမ်းတစ်ဝက်ရောက်လို့ မျက်နှာဖုံးတိကွာကျမှ
အသိကနောက်ကျ အပြန်ရခက်လားဗျာယ် ။ ။



သင်းချို

လရောင်ခြောက်တေနိန့်

လရောင်တိ အိပ်မက်ကို မှောက်ကျရေနိန့်
ရင်ဘတ်ထဲက အသံတိကို နားယောင်မိယင်း
ငါစွာ... မျက်လုံးတစ်စုံကို
ဘာသာပြန်မှားခရေ ...... ။ ။

ယင်းနိန့်က ....
တသောသောသွန်ကျနိန်ရေ အာရုံမှားတိနန့်
ငါစွာ ... နှလုံးသားတစ်စုံ ကောက်နှုတ်ချက်ကို
နားလည်မှု လွဲခရေ ...... ။ ။

ယင်းပိုင်နန့် ....
ကာရန်မညီရေ ရင်ခုန်သံတိကို ညှိယင်း
တီးခတ်ကြည့်ဖို့ ကြိုးစားမိခါမှ
ပြတ်ထွက်လားရေ ကြိုးစ
ငါ့ ကံကြမ္မာ (ဘဝ)ကိုပါ ဆွဲနှုတ်လားလရေ ........ ။ ။


သင်းချို