ခန်းမထဲကို တစ်လှမ်းချင်း လှမ်းဝင်လာခရေ ။ ကြီးကျယ်ခမ်းနားရေ အပြင်အဆင်အားလုံးက တစ်ခါသီဆုံးလားရေ ငါ့ဘဝအတွက် ဈာပနာပိုင် ။ လှပခန့်ငြားရေ ခုံမြင့်ထက်က အနီရောင် ကတ္တီပါပိတ်ကားထက်မှာ ကပ်ထားရေ ရွှေရောင် ဖေါင်းကြွစာလုံးတိကို မမှိတ်မသုန် စိုက်ကြည့်နိန်ခရေ ။ လက်ထဲမှာ ကိုင်ထားခရေ စက္ကူအိတ်ချေထဲမှာ တစ်ချိန်က နှစ်ယောက်သား တတူရီးခဖူးစွာကို ကိုယ်တိုင် ဒီဇိုင်းဆွဲပနာ print ထုတ်ထားခရေ ငါရို့နှစ်ယောက်နန့်ရာ သက်ဆိုင်ခရေ ပွဲမဝင် ဖိတ်စာချေ ။ ငါ ဇာလောက်ထိ ရူးသွပ်ခဖူးလေ ... ဇာလောက်ထိ ပျော်ဝင်ခဖူးလေ ... အချစ်ဆိုရေ ရီကြောထဲမှာ ဇာလောက်ထိ မိန့်မြောစီးပါလားဖူးခလေ ...
ငါ့လက်ထဲကို ရောက်လာခရေ ဖိတ်စာချေစွာ ငါ့ကို လာစီချင်ရေဖြစ်ဖြစ်၊ မလာစီချင်ခရေပင် ဖြစ်ဖြစ် ... အေပွဲကို တက်ဖို့အတွက် တရားဝင် အခွင့်အလမ်းတစ်ခုရာလေ ။ ယင်းဖိတ်စာချေအတွက် ကျေးဇူးတင်ပါရေ ။ ကောင်းမျက်နှာပြောင်တိုက်တေလို့ပင် သတ်မှတ်ကတ်ပတ်စီ ဂရုမစိုက်ဗျာယ် ။ အေပွဲချေစွာ မင်းမျက်နှာကို လလွတ်လလပ် ငေးမောကြည့်ဖို့ နောက်ဆုံး အခွင့်အရေးရာ ။ အေပွဲပြီးစွာနန့် ငါရေ ငါ့လွမ်းဆွတ်မှုတိကိုတောင် ဘောင်ခတ်ထားလိုက်ရဖို့ဗျာယ်လေ ။ အခွင့်မရှိရေ လမ်းကို လျှောက်ချင်နိန်ကေတောင် လူ့ကျင့်ဝတ်အရ ငါ့ကိုယ်ကျင့်တရားကို ငါစောင့်ထိန်းရဖို့ဗျာယ်မလား ။ လူသိစရာ မလိုပါဘူး ။ အေပွဲကို တက်လာခရေငါ့ကို မင်းအသိုင်းဝိုင်းတိက မကောင်းဆိုးဝါးတစ်ကောင်ကိုပိုင် ကြည့်နိန်ကတ်ဖို့မှန်းလေ့ ငါသိရေ ။ ငါ့ကို သိုးမည်းတစ်ကောင်ပိုင် ထင်မှတ်ထားကတ်ဖို့မှန်းလေ့ သိရေ ။ ယကေလေ့ ငါ့အတွက် သူရို့ပြောရေ ထင်မှတ်တေအရာတိထက် နောက်ဆုံး အခွင့်အရေးအနေနန့် ငါ့ရင်ဖတ်ထဲမှာ တစ်ဘဝလုံးစာ စွဲစွဲထင်ထင် မှတ်မိလားစီဖို့ မင်းအပြုံးချေတိကို ကြည့်လိုက်ရဖို့ မြင်လိုက်ရဖို့ အရာလောက် အရေးကြီးစွာ တခြားမရှိ ...
မင်းသိဖို့လား ... ဖိတ်စာချေ ရောက်လာရေနိန့်ကပင် အဂုထိ ဖွင့်မကြည့်ဖြစ်သိစွာကို ။ မင်းနန့်ပက်သက်တေအကြောင်းအရာတိကို သိနိန်တတ်တေငါ ဖိတ်စာကို မဖွင့်ဖတ်ဘဲ အေပွဲကို ရောက်လာခရေ ။ ဇာအချိန် ဇာနိန်ရာ သိနိန်ပြီးသား လူတစ်ယောက်အတွက် ဖိတ်စာကို ဖွင့်ဖတ်စရာ မလိုဆိုစွာ မထူးဆန်းလောက်ထင်ယင့် ။ ဖိတ်စာကို ရစွာခါကပင် နိန့်တိုင်း အချိန်တိုင်း လုပ်နိန် ကျင့်နိန်ခစွာ တစ်ခုရာ ရှိရေ ။ ငါ့ရင်ထဲက နာကြင်မှုတိ မထင်ဟပ်စီဘဲ ပြုံးတတ်ဖို့ ။ လွန်ခရေ ၃ ပတ်လောက်ကပင် ပြုံးတတ်ဖို့ နိန့်တိုင်း အချိန်တိုင်း ငါ ကြိုးစားနိန်ခရေ ။ ယင်းချင့်စွာပင် မင်းအတွက် ငါ့နောက်ဆုံးလက်ဆောင် ။ နာကြင်မှုမထင်ဟပ်တေ ငါ့အပြုံးချေနန့် မင်းကို လွတ်မြောက်ခွင့် ပီးသင့်ရေမနား ။ မင်းစိတ်ထဲမှာ တဖဲ့ချေတောင် နောက်ဆံမငင်စီချင်ဝေ ။ မင်းပျော်နိန် ကြည်နူးနိန်စီချင်ရေ ။ မင်းစွာ လောကကြီးထဲမှာ နွီးထွီးရေ မိသားစုဘဝနန့် ပျော်နိန်ရေဆိုစွာကို သိနိန်ရကေပင် ငါအမှန် ကျေနပ်နိန်လီဖို့ ။
မင်းသိထားရေအတိုင်း ငါ့ကို မာနကြီးရေလူလို့ရာ တစ်သက်လုံး စွဲမှတ်ထားလိုက်ပါ ။ မဟုတ်.... အေနိန့်ကပင် ငါ့ကို ခေါင်းထဲတောင် ယောင်ပနာ မရောက်စီကဲ့ဖိလေ ။ မင်းကို မပင်ပန်းစီချင် ။ ငါက ငါ့မာနနန့် အရာအားလုံးကို ရင်ဆိုင်နိုင်ရေလူတစ်ယောက်အဖြစ် မင်းယုံကြည်အောင်ထိ ဖန်တီးယူခဗျာယ် မလား ။ ငါ့ကို မထားခပါကဲ့ဆိုရေစကားစွာ ငါ့ရင်ဘတ်ထဲမှာ ဗလောင်ဆူ ပဲ့တင်ထပ်နိန်ခကေလေ့ မင်းခြီလှမ်းချေတစ်ခုကို ချည်နှောင်မိလတ်မယ်လို့ ငါ မြိုချထားခပြီးဗျာယ်လေ ။ ဆောက်တည်ရာမရ ဖြစ်နိန်ဖို့ မင်းပုံစံချေကို ကြည့်ဝံ့ရေသတ္တိမဟိခရေ ငါ့ပျော့ညံ့မှုတိအတွက် အေစွာ ငါရလာရေ ဆုလာဘ် ။ ငါ့ရင်ဘတ်ထဲက ချစ်ခြင်းတိကို အေအချိန်ထိရာ ငါဖက်တွယ်ခွင့် ရဖို့ဗျာယ်ထင်ယင့်လေ ။
တောက်လွင်နိန်ရေဝတ်စုံတိနန့် လူတိကြားထဲက ခန်းမဒေါင့်ဖက်ချေမှာ ငါထိုင်နိန်ခပါရေ ။ ခန်းမထဲကို လှမ်းဝင်လာခရေ မင်းရို့ကို ပြောနိန်ကတ်တေ ချီးမွမ်းထောပနာစကားတိလေ့ ငါ့နားထဲမှာဝင်နိန်ရေထင်ယင့် ။ မကြားတစ်ချက် ကြားတစ်ချက် ။ မင်းမျက်နှာကိုရာ ငါ မမက်မမော ကြည့်နိန်မိရေ ။ မင်းလေ အဂေါင့်ပင် ကောင်းကြည့်ကောင်းနိန်ယင့် ။ ယကေလေ့ မင်းဆံပင်ချေကို အေပိုင် Gel တိအများကြီးနန့် ထောင်ထားခဖို့အစား Gel ကို ကောင်းမသုံးခဘဲရာ နောက်ကိုလှန်ဖြီးထားခဖို့ဆိုကေ မင်းနန့် ပိုလို့လိုက်တေလေ ။ ပြီးကေ မင်းနက်ကတိုင် အပြားအကြီးနန့် အစား အပြားချေ အငယ်နန့် ခဲရောင်ချေစွာ မင်းနန့် အလိုက်ဆုံးဗျာယ် ။ အင်း မင်းမျက်နှာချေကတော့ကေ ငါမြတ်နိုးရေ အပြုံးချေနန့် ။ မင်းအပြုံးမှာ တစ်ခုခုပါနိန်လား ။ မင်းအပြုံးမှာ ညိုးရော်မှုချေ မြူတစ်မှုန်စာတောင် မဟိစီချင်လေ ။ ငါ့အမြင်မှားမှုသက်သက်ရာ ဖြစ်ပါစီ ။ မင်းကို တစ်ခုချင်းစီ အသေးစိတ်လိုက်မှတ်နိန်ခရေ ငါ့အတွက် မင်းဘယ်ဘက်လောက်မောင်းကို ချိတ်တွယ်ထားရေ သေးသွယ်ပျော့ပျောင်းရေ လက်ချောင်းချေတိကို အကြည့်ရောက်လားရေ ။ မင်းလက်မောင်းကို ချိတ်ဆွဲထားရေ ယင်းလက်ချောင်းချေတိက စိုးပိုင်မှုရှိလိုက်တယ်ပင်ကဝေ ။ ငါ့မျက်ရည်တိ မျက်လုံးအိမ်ထက်ကို တက်မလာနိုင်အောင်ထိ ငါအောင့်ထားလိုက်တေ ။ ယင်းလက်ချောင်းချေတိပိုင်ရှင်ကို ရည်ရွယ်ချက်မပါဘဲ ကြည့်လိုက်မိခရေ ။ ကြည်စင်နိန်ရေ မျက်နှာချေနန့် ချိုသာရေ အပြုံးပိုင်ရှင်သူက မင်းကို ဘဝတစ်လျှောက် ကြည်နူးစီဖို့ သေချာပါရေ ။ ခုံအောက်မှာချထားခရေ ငါ့လက်ချောင်းတိနန့် မာနဝတ်ရုံခြုံထားရေ ငါ့နှလုံးသား ငလျင်လှုပ်နိန်ကတ်တေ ။
မင်းလှမ်းလာခရေ ခြီလှမ်းအချက်တိုင်းကို ငါ မမြတ်နနိုးနန့် လိုက်မှတ်နိန်ခရေ ။ ငါ့ဘဝကို နင်းဖြတ်လားခကေတောင် မင်းဘဝအီးငြိမ်းရာကို လျှောက်လှမ်းလားရေ ခြီလှမ်းရာ ဖြစ်ပါစီ ။ မင်းနန့် နီးလာလီ ငါ့ရင်တိ နာကြင်လာလီ ... မဖြစ် ငါငိုလို့မဖြစ် ။ ငါ့နာကြင်မှုအခိုးအငွေ့တိ ငါ့မျက်လုံးကို အငွေ့ပျံ လျှံကျလာလို့ မဖြစ် ။ မင်းအတွက် ငါ့နောက်ဆုံးလက်ဆောင်ချေစွာ တန်ဖိုးလျော့လားလို့ လုံးဝမဖြစ် ။ ငါ့ကိုမြင်လိုက်တေ မင်းမျက်လုံးကို ငါချက်ချင်းဖတ်မိလိုက်တယ် ။ မင်းရင်ဘတ်ထဲမှာ ပင့်သက်ချေ တစ်ချက်တောင် မရှိုက်မိပါစီကဲ့ဝေ ။ ငါ့အတွက် မင်းပုံရိပ်တိကို တစ်သက်စာ မှတ်တမ်းတင်ချင်ရေ ဆန္ဒ ၊ မင်းကို နောက်ဆုံးပီးလိုက်ခချင်ရေ ငါ့လက်ဆောင်ချေတိအတွက် အရာအားလုံးကို ရင်ဆိုင်လို့ အရောက်လာခရေငါ့ကို နောင်တမရ ရစီကဲ့ဝေ ။ အခြားလူတိထင်မြင်ချက်တိ စွပ်စွဲချက်တိကို ငါအန်တုနိုင်ကေလေ့ မင်းမျက်ဝန်းကအရိပ်ချေ ငါ့ကို ပြိုလဲမလားစီပါကဲ့ ။ ငါတောင်းပန်ပါရေ ငါမြတ်နိုးတန်ဖိုးထားရေ စစ်မှန်ရေမင်းအပြုံးချေတိကို တစ်သက်စာ အမှတ်တရယူလားခွင့်ကို ငါ့ကိုပီးပါ ။
မင်းရို့နှစ်ယောက် ငါ့ဘက်ကို လှမ်းလာခရေ ။ မင်းအတွက် လက်ဆောင်ချေကို ငါပီးလိုက်တေ ။ ငါ မင်းရို့နှစ်ယောက်စလုံးကို ဂုဏ်ပြုရေ အပြုံးစစ်တစ်ခု မင်းရို့တစ်သက်လုံးအတွက် ငါပီးခရေ ။ ငါ့အရိပ်ချေတစ်ချက်၊ အသံချေတစ်ခု အပြောင်းအလဲကို သေချာဖတ်တတ်နိန်ရေ မင်း လုံးဝ မဖမ်းမိနိုင်လောက်အောင်ထိ ငါ့အပြုံးသေသပ်လွန်းမှန်း ငါယုံကြည်နိန်ရေ ။ ငါ့ကို မိတ်ဆက်ပီးရေ မင်းစကားသံ " သူ့နာမည်က XXXX ... စာတိရီးရေ ... သူ့အထူးခြားဆုံးက မာနကြီးရေ ..သူ့မာနထက် တစ်ခုကိုလေ့ မလိုအပ်တေ လူလေ .. " ။ ငါအမှန် ပစပွင့်ပနာ တစ်ချက်ရယ်လိုက်မိရေ .. ငါ့လက်ဆောင်က တန်ဖိုးရှိလားဗျာယ် ။ မင်းကိုငါပီးချင်ရေအတိုင်း လက်ခံယူလားခရေအတွက် မင်းနန့်တတူ အရာအားလုံးကို ကျေးဇူးတင်ပါရေ ။ ငါ့လက်ကို သမီးရှင်ကို ဆန့်ပီးလိုက်တေ " ကွန်ဂရက် ကျူလေးရှင်း " ။ သမီးရှင်က ပြုံးပနာ လက်ချေကို ဆန့်ပီးခရေ ။ အိုး နွီးထွီးလိုက်တေ လက်ချေ ။ ကောင်းနူးညံ့မှုမဟိရေ ငါ့လက် မတုန်နိန်အောင် ငါ အသက်အောင့်ထားလိုက်တေ ။ ပြီးကေ မင်းရို့ကို နှုတ်ဆက်ပြီးနာ ငါပြန်လှည့်လာခရေ ။
အဝင်ခါ ငါပီးခရေလက်ဖွဲ့ထုပ်ချေကို မမချေတိက သိမ်းနိန်ကတ်တေမြင်လိုက်ယင့် ။ ငါ့လက်ဆောင်ချေကို မင်းရို့နှစ်ယောက်လုံး နှစ်သက်နိုင်ပါစီ ။ မင်းနန့် နှစ်ယောက်တတူ ဖိတ်စာချေကို အပျော်ရီးဖြစ်ခရေနိန့်ကပင် ငါထိုးထားခရေ ခေါင်းအုံးစွပ်ချေ နှစ်စွပ်နန့် ဆင်တူစွယ်တာချေ နှစ်ထည် ... ယင်းချင့်ထက် တန်ဖိုးထားပနာ ပီးလိုက်စွာက ငါ့နှလုံးသားတစ်ခုလုံး ... ခန်းမအပြင်ကို ရောက်ခါမှ တာရီကျိုးကျခရေ ပါးထက်ကမြစ်နှစ်စင်း ... ငါ့ခြီထောက်မှာ လာကျခရေ ရီတစ်စက် ....
သင်းချို
Labels: ESSAY
ပိန်းပိတ်အောင် မှောင်နိန်ရေ အမှောင်ထုကြီးတစ်ခုလား....
ပြင်းပြစူးရှလွန်းရေ အလင်းဟင်းလင်းပြင်ကြီးလား ....
ဇာတစ်ခုလေ့ မမြင်ရအောင် ဝေဝါးနိန်ရေ အမြင်အာရုံတိအောက်မှာ
တဒေါက်ဒေါက်ကျနိန်ရေ ငါ့နှလုံးသွီးစက်သံ တိကလွဲလို့
ငါ့အတွက် အဖေါ်ပြုစရာ အခြားမဟိ ...
ရင်ထဲက သိပ်သည်းဆနန့်အမျှ ခံစားရစွာတိ မချိမဆန့်ပါလားဝေ ...
ဒေ ရင်ဘတ်ကို ချခင်း
တစ်လှမ်းချင်း နင်းဖြတ်လားခရေ ခြီသံအချက်တိုင်းကို
ဆံခြည်တစ်မျှင်စာတောင် အလွဲအမှားမဟိ မှတ်မိနိန်သိယင့် ....
ငါ့စွာငါ နှလုံးသွီးကြောမကြီးတိကိုချည်
သူရဲကောင်းတစ်ယောက်ပိုင် ထင်မှတ်နိန်ခသိရေ ...
ဒေ ဖမ်းဆုတ်မရရေ မျှော်လင့်ချက်တိကို
အပြီးတိုင် မလွှတ်ချနိုင်သိသရွိတော့
ဘဝတစ်ခုလုံးစာ စုတ်ပြတ်သတ်လားပြီးကေတောင်
ငါ နာကြင် ပဲ့ကြွီနိန်လီရဖို့သိ ........................................
သင်းချို (2:05 PM)
Labels: POEM
ရီခြား မြီခြား အလင်းခါးတိအောက်မှာ
ရနံ့ခါးတိက
ငါ့ဘဝကို သိမ်းကြုံးယူလားဖို့ဗျာယ်ပိုင် ...
ကာလာစုံ ဝတ်ဆင်ထားရေ မျက်လုံးတိက
မှားဖို့ ခြီတစ်လှမ်းကို စစူးစစိုက်စောင့်ကြည့်နိန်ကတ်ယင့် ...
အနိန်ကြာလာတိုင်း ကျင့်သားရမလာဘဲ
ကြောက်စိတ်တိရာ ပိုလာခကတ် ...
တစ်နီဝင်တိုင်း အိမ်ပြန်ချိန်ကို မျှော်မိရေ .....
နာကြင်မှုတိကို လွယ်ပိုး
ငါရို့ကြောခိုင်းထားခရေ အနောက်ရိုးမတစ်ဘက်
အမိခြံဒေါင့်ချေက
ငါစိုက်ခရေ စပါယ်တစ်ခြုံကို ငါလွမ်းလို့ ...
အမိခြံရှိက သောက်ရီအိုးစင်ချေလေ့ ငါလွမ်းလို့ ....
သရက်ပင်အိုအောက် ခုံတန်းချေကိုလေ့ လွမ်းလို့ ....
ယင်းနိန်ရာတိမှာ အခါခါထပ်နိန်ခရေ ငါ့ခြီရာတိကိုလေ့ လွမ်းလို့ ....
နာကြင်မှုကိုမသိရေ ဆယ်ကျော်သက်ချေတစ်ယောက် ပြုံးရယ်ခြင်းကို ငါလွမ်းလို့ ...
အိမ်ခန်းဒေါင့်က ငါ့စာအုပ်ခုံချေကိုလေ့ ငါလွမ်းလို့ ...
နွီဦးမှာဖူးရေ ပုရစ်ဖူးချေတိကိုလေ့ လွမ်းလို့ ...
အကြိမ်ကြိမ် ချိုးခဖူးရေ တံစက်မြိတ်က မိုးရီစက်တိကိုလေ့ လွမ်းလို့ ...
၂၁ နှစ်တိုင် ရှုရှိုက်ဖူးခရေ ပင်လယ်ရနံ့ကို ငါလွမ်းလို့ ...
နီညိုချိန် စက်ရုံအော်သံတိနန့် သံချောင်းခေါက်သံ ...
နူးညံ့ရေ အမိနှလုံးသား ၊ လုံခြုံမှုအပြည့်နန့် အဖရင်အုပ်ကားကား ...
နှစ်သိမ့်မှုပီးရေ အမိလက်နှစ်ဘက် ၊ မျက်ရည်တိခမ်းခြောက်စီခ အဖရဲရင့်ခြင်းတိ ...
........................................
...........................................................
ငါလွမ်းလို့ .................
လွမ်းလို့ .........................
လွမ်း ............................ လို့
လွမ်း ........................
................
..................
သင်းချို
Labels: POEM
ရင်မြိုခံရရေနိန့်
အသိနန့် သတိကြားမှာ
ဒေရင်ဘတ်တစ်ခုလုံးကို သော့ခတ်ထားပြီးခါမှ
ထိန်းမနိုင်၊သိမ်းမရ ဖောက်ထွက်လာရေ ဆန္ဒနန့်
သစ္စာဖေါက်ဝံ့ရေ နှလုံးသား .........
အကြိမ်ကြိမ် ခလုတ်တိုက်လဲကျဖူးလို့
ပြန်မထဝံ့အောင် လန့်ဖျား ဖျားခရေ ငါ့ဝိဥာဉ်
လေပြေညှင်းတစ်ချက် တိုးအဝှေ့မှာ
တစ်ခါပြန်ခုန်ထ မိုက်ရူးရဲခဗျာယ် ........
ထိုနိန့်က ........ ( x . x . xxxx)
ပန်းတစ်ပွင့် ပွင့်အာရေ အသံ
ငါ့လိပ်ပြာကို တောင်ပံခတ်စီခရေ ...
ကလပ်စီကယ် သံစဉ်တစ်ဝက်နန့်
စီးဆင်းနီရေ အကြားအာရုံ
ဦးဏှောက် အချက်ပီးခေါင်းလောင်းသံတောင် မကြားနိုင်ခအောင်
ငါ့ရင်ဘတ်က ငါ့ကိုဝါးမြိုလားရေ ........
သင်းချို
Labels: POEM
တကယ်တော့ မိုးနည်းတာမဟုတ်ပါဘူး ... မိုးကို မရွာတာ ... ခြောက်ခမ်းပြီး ကြွေကျကုန်တဲ့ စိတ်ဓါတ်တွေ ... တစ်ရွက်ပြီးတစ်ရွက် တစ်ရက်ပြီး တစ်ရက် ... ဒီနေရာ ဒီဒေသအတွက် ရင်းနှီးမြှုပ်နှံခဲ့ရတဲ့အရာတွေ ... ဘာတွေများ ပြန်ရခဲ့တာ ရှိလို့လဲ ... တစ်ခုပဲ သံယောဇာဉ်ဆိုတာရဲ့ တန်ဖိုးကို သိလာခဲ့တာရယ်၊ ဘဝ ဆိုတာကို အမျိုးစုံ မျက်ဝါးထင်ထင်မြင်ဖူး ကြုံဖူး ဆုံဖူး တာပါပဲ ... ဒါတွေကို ရဖို့ ပေးဆပ်လိုက်ရတဲ့ အင်အားတွေက ငွေ၊ အချိန်၊ ကိုယ့်ကိုကိုယ် ယုံကြည်မှု၊ နွေးထွေးတဲ့မေတ္တာရိပ်တွေ ... အထီးကျန်တယ် ဆိုတာ ဘာရယ်လို့ မတွေးဘဲကို နေ့တိုင်းလိုလို ဖြတ်သန်းလာခဲ့တာ ... တစ်ရက်စီ တစ်နာရီစီတိုင်းမှာ တဖြည်းဖြည်းချင်း သက်ရှိလူက သေဆုံးနေပြီးတော့ စက်ရုပ်လို အရာတစ်ခု အစားဝင်လာနေပါတယ် ... ဒီလိုနဲ့ပဲ လောကကြီးမှာ ကြင်နာတတ်တဲ့၊ ကိုယ်ချင်းစာတတ်တဲ့ နှလုံးသားတွေရှားပါးကုန်တယ်ထင်ရဲ့ ... ပါးပါးလှပ်လှပ်အပြုံးတွေအောက်က ထက်လှတဲ့ ဓါးသွားတွေ ကပ်ညှိတတ်ဆင်ထားတတ်လာကြတယ် ... ဒီလိုပဲ ရလိုမှုတစ်ခုအတွက် ပေးဆပ်ခဲ့လိုက် စတေးခဲ့လိုက်ပြီးမှ နောက်ဆုတ်ဖို့ခက်တဲ့ လမ်းကြောင်းပေါ်မှာ ခံစားချက်မပါဘဲ နေသားတကျဖြစ်ဖို့ ပြင်ဆင်ကြိုးစားလာနေကြရတယ် ... ပြောပြဖို့တောင်ခက်ခဲတဲ့ လောကဓံတွေကို အံကြိတ်ခံပြီး ဖျက်ဆီးခြွေချဖို့ တဖြည်းဖြည်းချင်း သင်ယူခဲ့ကြရတယ် ... တစ်ရက်ပြီးတစ်ရက် အပြုံးတွေက လှပထက်မြက်လာကြတယ် .. အကြည့်တွေက စူးရှလာကြတယ် ... လက်ဆွဲနှုတ်ဆက်တတ်လာကြတယ် ... မျက်ရည်တွေ အေးခဲကုန်ကြတယ် ... ရင်ထဲမှာ ဂလိုဏ်ပေါက်ကြီးတွေလို ဟာလာဟင်းလင်းနဲ့ ရှေ့ကိုဆက် >>>> .... တွေ့ရင်ပြုံးပြနှုတ်ဆက် ... ဟိုဘက်လှည့်လိုက်တော့ ပြန်သေသွားတဲ့ မျက်နှာတွေ ... လိုချင်တာတွေက ဒါတွေလား ... ပြန်ရတာနဲ့ ပေးလိုက်ရတာ တန်ရဲ့လား ဆိုတာ ပြန်မတွေးကြေး ... ကိုယ်စီ အသိ ကတိတွေနဲ့ ... ဘယ်သူမှ ဘယ်သူ့အတွက် ငိုပေးကြတယ်မရှိ ... ဖြစ်လာတဲ့ အရာအားလုံးက နေသားတကျအတိုင်း ... ရင်ဘတ်ချင်းပေါင်းဖက်ကြတယ်မရှိ ... ဒီလိုပဲ အဆင့်အတန်းချင်းပေါင်းဖက်ကြလေရဲ့ ... မျှော်လင့်ချက်ကို ထားကြတယ် ... ခံစားချက်တွေကို သတ်ပစ်ကြတယ် ... ဒီလိုနဲ့ ဒီလိုနဲ့ ဒီရပ်ဝန်းမှာ မေတ္တာတရားတွေ ခမ်းခြောက်၊ အငွေ့လည်းမပျံတော့ တစ်ယောက်ပေါ်တစ်ယောက်လည်း စေတနာမိုးတွေ မရွာနိုင်ကြ ၊ စာနာမှုအသိစိတ်တွေလည်း တဖြည်းဖြည်းကြွေကျ ... တကယ်တော့ မိုးနည်းတာမဟုတ်ပါဘူး ... လူသားဆန်တဲ့ စိတ်တွေ တဖြည်းဖြည်းခြောက်သွေ့ ကြွေကျလောက်အောင်ကို မိုးမရွာတာပါ ....
Labels: ESSAY
ကျွန်မ ဟင်းလင်းပြင်ထဲကို စီးမျောနေပါသလား ... မွမ်းကျပ်လွန်းတဲ့ အမည်းရောင်ကြားမှာ နစ်မြုပ်နေတာလား ... ဒါမှမဟုတ် စူးရှလွန်းတဲ့ အဖြူရောင်တွေလား ... ကိုယ့်ကိုကိုယ်တောင် ပြန်သုံးသပ်မရဘူးဖြစ်နေတယ် ... ကျွန်မမှာ မရှိတဲ့ ပိုက်ဆံတွေအတွက် ဝမ်းနည်းနေတာလား ... ခုနက မြင်ခဲ့ရတဲ့ လျှော်လဲသွားတဲ့ အဘွားကြီး အတွက် ခံစားရတာလား ... ဘာမှရေရေရာရာ မရှိ ... အဘွားကြီးလဲကျတာကို မတွေ့ခင်မှာတော့ ကျွန်မက လက်ထဲမှာနာရီပိုင်းလောက် ကိုင်တွယ်ခွင့်ရခဲ့တဲ့ လုပ်အားခတွေအတွက် တစ်ခုခု ခံစားနေခဲ့ရသလိုပဲ ... အဲဒီအကြောင်းကိုတွေးရင်းနဲ့ ကျွန်မလမ်းလျှောက်ပြန်လာခဲ့တာပါ ... ဒါပေမယ့် ကျွန်မအတွေးဘယ်မှာဆုံးမှန်းတောင် မသိလိုက်ပါဘူး ... ကျွန်မရှေ့မှာ အဘွားကြီးတစ်ယောက် ခြေချော်လဲကျသွားတယ် ... ခေါင်းနဲ့တိုင်နဲ့တောင် ဆောင့်မိသွားတယ် ... ကျွန်မ ခဏတာ ဆွံ့အသွားတယ် ... ပြီးမှ သွားထူပေးမိတယ် ... ဒါပေမယ့် ကျွန်မအားနဲ့ ထူမရဘူးဖြစ်နေတယ် ... လူတွေလာပြီး ကူထူပေးတယ် ... အဘွားကြီးက ကျွန်မကို စကားတစ်ခွန်းပြောတယ် ... ဘာပြောတာလဲ ကျွန်မ မသိဘူး ... ကျွန်မသိတာက ကျွန်မကော အဲလိုလဲကျမလား ... ပြီးရင် ကျွန်မလဲကျရင်ကော ဘယ်လို ဖြစ်မလဲ ... ငိုမိမလား ...လူတွေက လာထူပေးမလား ... ဘာပဲဖြစ်ဖြစ် မလဲကျတော့ မလဲကျချင်ဘူး ... တွေးရင်နဲ့ ရင်ထဲမှာ ဝမ်းနည်းသလိုပဲ ... ဒါတွေကို ကျွန်မတောက်လျှောက်ကြီး စဉ်းစားလာတာ ... ပြီးမှ တစ်ခါတွေးမိပြန်တယ် ငါဘာလို့ ဒါတွေကို တွေးနေရတာလဲ ... ဒါတွေက ကြိုတွေးနေစရာမှ မလိုတာ ... ငါဟာ သူများတွေပြောသလို စိတ်ကျရောဂါဖြစ်နေတာလား ... သြော် ဒါကိုတွေးမိရင်တော့ ငါဟာ စိတ်ကျရောဂါ ဖြစ်တာ မဟုတ်နိုင်ဘူး ... အဲသလိုလည်း ပြန်တွေးလိုက်မိသေးတယ် ... ပြီးတော့ မှ ခုငါရောက်နေတာ ဟင်းလင်းပြင်ကြီးလား ... ဒါမှမဟုတ် ပိန်းပိတ်အောင်မှောင်နေတဲ့ အခန်းကျဉ်းလား ... ငါဟာ အဆုံးအစမရှိတဲ့ နေရာကို သွားချင်လိုက်တာ ... အဲဒီနေရာကို ရောက်သွားရင် ဒါတွေထဲက လွတ်သွားမလား ... ဆရာတွေရှိတာပဲ ... အရှင်ဘုရားတွေ အားနာစရာကောင်းလိုက်တာ ... အဆုံးအစမရှိတာက ငြိမ်းချမ်းရာ လွတ်မြောက်ရာမဟုတ်ဘူးလေ ... အဆုံးရှိမှ အသစ်ပြန်မဖြစ်တော့မှ ငြိမ်းချမ်းမယ့် တရားတွေမလား ... ငါ တရားတွေနာဖူးသားပဲ ... တရားလည်း ထိုင်ခဲ့တာပဲ ... ဘာလို့ ခုလို ဆောက်တည်ရာ မရ ဖြစ်နေရတာလဲ ... ဘာကြောင့် ငါဒီလို ဖြစ်ဖို့ လိုလဲ ... ဒါတွေကိုပဲ တွေးပြီး ဒီလိုပဲ ပြန်သံသရာ လည်နေလိုက်တော့တယ် .... ဘာကြောင့်လဲ ဆိုတဲ့ အထဲက မထွက်နိုင်သေးတဲ့ ကျွန်မ ဘာကြောင့်လဲ ထဲမှာပဲ ပြန်တဝဲလည်လည် နဲ့ ....
Labels: ESSAY
အမည်းရောင် အတ္ထုပတ္ထိ
ကိုယ်တိုင်ရီးခွင့်မရရေ အတ္ထုပတ္ထိမှာ
အချိန်တစ်ခုရောက်ကေ အမှတ်စတစ်ခုက
အဖြစ်ပျက် တစ်ခုစီအန်ထွက်ကျရေ ...
ဘဝက မခက်ခဲပါဘူး ...
ဘဝမှာ ရှင်သန်ဖို့က ခက်ခဲရေ ...
ဘဝမှာ ရှင်သန်ဖို့ မခက်ခဲပါဘူး ...
ရလာရေ အဆိုးအကောင်းနန့်
နီသားတကျ စီးမြောဖို့ ခက်ခဲရေ ...
အေရင်ဘတ်ထက်မှာ
ဇောက်မနက်တေ ဆင်ခြင်တုံတရားကိုခြင်းဗျာယ်
ကိုယ့်စော်ကိုယ် လယ်ထွန်မှားခလို့
မျိုးစေ့တိကို
လက်ထဲမှာရာ ကျစ်ပါအောင်ဆုတ်ကိုင်ထားရယင့် ...
မကြဲချဗျာယ် ...
ဒေရပ်ဝန်းမှာ
င့ါအတွက် မိုးခေါင်ရေ ...
အပြန်ရခက်တေ ခရီးလမ်းမှာ
အနောက်က ဖျက်ခမိရေဖောင်တိအတွက်
နောင်တ ရရဖို့လား ???
မထူးရေတတူ
မျက်စိကို စုံမှိတ်လို့ သတ္တိရှိဟန်ဆောင်လိုက်မယ် .....
သင်းချို
Labels: POEM
သင်းချို လူ့လောကကြီးကို ဝင်ဖို့အားယူလိုက်တေအတွက်နန့် မေမေ ၊ ပါပါ နန့် ကိုကြီး စစ်တွေမြို့ ဆေးရုံကြီးကို မြန်ဆန်ရေ ခြီလှမ်းတိနန့် လှမ်းဝင်လိုက်ကတ်တေ ... သင်းချိုမေမေက နာကြင်မှုတိကို သည်းခံအောင့်အီးလို့ ။ ပါပါက ဆေးရုံတက်ဖို့လိုအပ်တေ အရေးပေါ်အိတ်ချေနန့် ဘေးနားမှာ သားချေကို လက်ဆွဲလို့ .... သင်းချိုကို လူသားချေ အဖြစ်လက်ခံဖို့ လုံလောက်တေ လူအင်အား ၃ယောက် ...
မေမေကို ဆေးရုံ မွီးခန်းဝင်အောင်စောင့်ပီးပြီးကေ လိုအပ်တေ ဆီးတိ ဝယ်ပီးပနာ မွီးလူနာဆောင်ကို ဝင်ခွင့်မရရေ ပါပါနန့် ၄ နှစ်သားအရွယ် ကိုကြီး .....
* * * * *
ည ၁၁ နာရီခွဲဆိုရေ အချိန် လမ်းတစ်လျှောက်လုံးမှာ တိတ်ဆိတ်မှုတိနန့် ညအမှောင်ထဲမှာ သားချေကို ရွက်လို့ ဆေးရုံကြီးက ပြန်အလာလမ်းမှာ ရင်ထဲက စိတ်မချစော်ချေတိကို မြိုသိပ်ပနာ စိတ်ထဲမှာတော့ အင်္ဂုလိမာလသုတ်ကို အကြိမ်ကြိမ် အခေါက်ခေါက်ရွတ် ၊ အတည့်ရွတ် ၊ အပြန်ရွတ် ၊ ကြားပေါက်ရွတ် ......
သားချေက တိတ်ဆိတ်နိန်ရေလမ်းမှာ နှစ်ယောက်တည်းပြန်လာရစော်ကို ပျော်နိန်ရေဟန်နန့် သူကြိုက်တေ ဒုံးတေးခင်းကို ဂျီကျပနာ ဆိုခိုင်းရေ ... သားချေကို ကျိတ်လို့ ဖက်ပနာ ရင်ထဲက အပူကြီးကို ဝှက်ယင်းနန့် “ဦးမြဝါ လေးစားပါယင့် ........ ... ...” အစချီပနာ တစ်လမ်းလုံး ဆိုလာခရစော် ..... သူလေ့ စကားမပီတပီ ဝင်ဝင်ဆိုယင့်...... ပါပါ ရင်ထဲက ပူလောင်မှုတိ သားချေကို မကူးစီချင် ၊ မမြင်စီချင် .... အေနိန့်မှ လမ်းက ပိုရှည်နိန်လာ ... အေလောက်ရှည်လျားပြီးကေ လှမ်းရခက်တေ လမ်းမျိုး ၂၆ နှစ်တာ ဘဝတစ်လျှောက် တစ်ခါလေ့ မကြုံရသိလေ ......
မှောင်မဲနိန်ရေ လမ်းတစ်လျှောက်မှာ သားချေကိုရွက်လို့ ဒုံးတေးခင်းဆိုပနာ လက်နှိပ်ဓါတ်မီးချေ အားကိုးနန့် လမ်းလျှောက်လာယင်း ရင်ထဲက အပူတိ ငွေ့ရည်ဖွဲ့ရွာကျလာရေ မျက်ဝန်းမိုးက လမ်းမကြီးမှာ တစ်စက် ၊ တစ်စက် .... လမ်းကို ကြည့်နိန်ရေ မျက်လုံးထဲက အမြင်အာရုံမှာ နာကြင်မှုကို သည်းခံ အံကြိတ်ထားရေး ၂၅ နှစ်အရွယ် အိမ်ရှင်မပုံရိပ်တိနန့် ....
* * * *
လောကကြီးကို ခြီချဖို့ ဝမ်းထဲကအချေ အားယူမှုတိနန့် တတူပါလာရေ နာကြင်မှုတိကြောင့် ဆေးရုံမွီးခန်းကို ရောက်လာခပြီးမှ နာကြင်မှုတိ ပြန်သက်သာလားရေ .... ဆေးရုံမျက်နှာကြက်ကို ကြည့်ယင်းနန့် ဆို့တက်လာရေ ဝမ်းနည်းမှု ၊ အားငယ်မှုတိကို မြိုချထားလိုက်တေ .... အနာသက်သာခါမှ အိမ်ရှင်နန့် သားချေ ဇာပိုင်ပြန်ခကတ်လေ စဉ်းစားမိကေလေ့ တစ်ခါပြန် ဝမ်းနည်းလာပြန်ရေ ... အချေကတော့ကေ အိပ်ချင်နိန်လီဖို့ဗျာယ် ... ကိုယ်တိုင်လုပ်မပီးနိုင်လို့လည်း စိတ်ထဲမှာ ဆို့နိန်ရေ .... ယကေလေ့ အိမ်မှာက သူ့ကို ချစ်ကတ်တေလေ ... အဆင်ပြေလားလိမ့်မယ် .... ဇာပိုင်ရာ ပြန်ခကတ်လေဂု .... အိမ်မှာဆိုလို့ အိမ်က ယောက္ခမအိမ် ... ရောက်မနန့် မတိတိလေ့ ရှိရေ .. ခဲအိုနန့် အိမ်ရှင်မတိလေ့ ရှိရေ ... သူရို့အသိုင်းအဝိုင်းမှာ အားလုံး ဘွဲ့ရ ၊ စာတတ်တိ ဖြစ်လို့ ၁၀ တန်းအောင်အောင် စာမသင်ခရရေ ကိုယ့်ကို သူရို့သားချေ အလိမ္မာနန့် သဘောမတူပီးနိုင် စော်ကိုလေ့ နားလည်ပါရေ ... အိမ်ထောင်ကျလို့ သားချေရာ ၄နှစ်ဖြစ်လားရေ အဂုထိ မကြည်ဖြူနိုင်ကတ်သိလေ ... အေနိန့်လေ့ နိုင်ငံတကာ သတင်းကြည့်ဖို့ဆိုပနာ အားလုံးအပြင်ကို လားခကတ်လို့ ဆေးရုံကို လာခါတောင် သားချေကို မထားခနိုင် .... စဉ်းစားမိကေလေ့ မျက်ရည်ကျ လာပြန်ရေ ....
ဝမ်းထဲကလေ့ တစ်ဆစ်ဆစ် နာလာပြန်ရေ .... သြော် မေမေကို တမ်းတမိပြန်ရေ ... ငိုလို့မဖြစ် ... ဝမ်းနည်းလို့လေ့မဖြစ် ...
အခုမွီးလာဖို့အချေ အတွက် ငိုလို့က မဖြစ်လေ ... သူ့အမိဖြစ်ဖို့ လုံလောက်တေ သတ္တိနန့် အချေတစ်ယောက်ကို ပျိုးထောင်ဖို့ စွမ်းရည်တိကို အဂုကတည်းက ခံနိုင်ရည်အပြည့်နန့် ပျိုးထောင်ထားရဖို့ မဟုတ်လား .... အချေကို စဉ်းစားမိစော်နန့် သတ္တိရှိလာရေ ... နာကြင်မှုကြားကပြုံးလေ့ ပြုံးမိရေ .... သားလား သမီးလား မသိရသိရေ အေအချေအတွက် လုံခြုံမှု အပြည့်အဝ ပီးနိုင်ရေ အမိအဖြစ်ရာ ငါရှင်သန်ရဖို့လေ ...
အေအချေအတွက် သူ့အနာဂတ်တိအတွက် အေမေမေကို ရွီးချယ်ခရေ အချေအတွက် လုံးဝမျက်ရည်မကျဘဲနန့် ငါတစ်သက်လုံး စောင့်ရှောက်နိုင်ရဖို့ .... သြော် ကျေးဇူးတင်ရေအချေ ... အေမေမေကို သတ္တိတိပီးလို့ .... အေအမိ ဘဝထဲကို ဝင်လာပီးလို့ ... ကျေးဇူးပါ ....
ရှေ့ကို ဆက်ဖို့ ခရီးလမ်းတိ ဇာလောက်ပင်ကြမ်းပတ်စီ ... အားလုံးကို ရှင်းလင်းပြီးကေ သားချေနန့် အေအချေအတွက် ကိုယ်တိုင် ရှင်းလင်းပီးလိုက်ဖို့ဗျာယ် ... မေမေ အားမငယ်ပါ ..... မေမေ လုံးဝအားမငယ်ပါ ... တစ်ဘဝလုံးစာ တိုက်ပွဲအတွက် မေမေ အားတိအပြည့်ရှိနိန်ပါမယ် ... အချေကို စဥိးစားမိယင်းနန့် မွီးခန်း မျက်နှာ ကြက်ကို တစ်ခါ ကြည့်ဗျာယ် ပြုံးမိပြန်ရေ ...........
အေစာနန့် မေမေ ၊ပါပါ ကို ကန်တော့ပါရေ
သင်းချို
Labels: ARTICLES
လူတိတိုင်းဗျာယ် ချိန်ဆတတ်ကတ်တေ
လိမ္မာခြင်းထဲမှာ ၀င်ဆံ့နိုင်ဖို့
မိုက်မိုက်မဲမဲ ငါကြိုးစားဖူးခယင့်
အချိန်တိရာ ဗြောက်သောက်ကုန်ခရေ
ငါ့သဘာဝမဟုတ်လို့ အရောင်မပြောင်းနိုင်ခ .....
ငါ့ကိုကျဉ်ထားရေ လူတိကို
အပေါင်းအသင်းဖြစ်ချင်လို့ စိတ်ကူးယဉ်ဖူးခရေ
မြင်ကွင်းမတူလို့ စကားချင်းတောင်စစ်ပြေမငြိမ်းခ .....
ကံကောင်းရေလို့ယူဆမိရေ လူတစ်ချို့ကို စံထားဗျာယ်
"ကံ" လို့ထင်စော်နီရာမှာ လယ်ထွန်မှားခရေ
ရိုးရာမတူလို့ ပျိုးတောင်မကြဲခရ .....
အဲ .......
ဘ၀ဆိုစော် ဘ၀ဆန်နီဖို့အဓိကလို့ထင်ဗျာယ်
လိုက်လျောညီထွေနီတတ်ဖို့ သင်ယူနီခါမှ
သင်ရိုးကုန်လို့ "ဘ၀" က ငါ့ကိုပြန်သိမ်းလားရေ .... ။ ။
သင်းချို
Labels: POEM
မပီပြင်ရေကောက်ကြောင်းတိနန်. ငါ့ဘ၀ကို
မကျွမ်းကျင်ရေပန်းချီဆရာက ဆွဲစော်လာ ....
မာယာရှင်က ဆွဲစော်လာ .......
ဇာမှန်းမမြင်ရရေ နေရာကို
အားသွန်ခွန်စိုက်ပြီးနီရစော် ၀တ္တရားလား ......
စောင့်စားခရေ တောက်ပမှုတစ်ခုတစ်လီက
မျှော်လီဝီးလီ လိုက်လီပြီးလီိ .......
တစ်ခါတစ်ခါ စိတ်ကူးနန်.ရွက်လွင့်ဖို.တောင်
လီကမတိုက် ........
ဘ၀ဆိုစော် အပြီးသားရီးစပ်ထားရေစာအုပ်ဆိုကေ
တစ်ရွက်ချင်းလှန်နီရစော်ထက်
တစ်အုပ်လုံးကိုအရည်ကြိုဗျာယ် သောက်ပလိုက်ချင်ယင့် ........
အခွင့်ရှိကေ .... "၀င်ကစွပ်ပိုင်"
ရှင်သန်ခြင်းကို တချက်ချွတ်ထားလိုက်ချင်ရေ ...... ။ ။
သင်းချို
Labels: POEM
